Yazeedi fauj say kuch is terha ba ghaiz o ghazab

Hussain bhai hai mera pidar hai shah e arab

Yazeed hai mujhay maloom tera naam o nasab

Main sans laina bhi tujh par haram kar doongi

Tabah khutbon say main taqt o taj kar doongi

(Main zainab hoon main zainab hoon) x3

1. Shabbir ki khwahar hoon main Zehra ki dukhtar

(Main zainab hoon main zainab hoon) x2

2. Baba hai Ali mera, Abbas kay hain taiwar

(Main zainab hoon main zainab hoon) x2

3. Majboor nahi samjho paband e shariat hoon

Main apnay iradon main Haidar ki shujat hoon

Khutbon say gira doon gi main zulm ka har khaibar

(Main zainab hoon main zainab hoon) x2

4. Khat bhaij kay bulwaya phir hum pay sitam dhaya

Mehman bana kar bhi pani ko hai tarsaya

Ahmad ki nawasi main, tum zarf kay ho kamtar

(Main zainab hoon main zainab hoon) x2

5. Quran kay hafiz ho quran ko mara hai

Tum kaisay musalman ho Islam ko mara hai

Hum ilm ka darwaza tum jehl kay saudagar

(Main zainab hoon main zainab hoon) x2

6. Tum kufr ki paidaish islam kay hum bani

Jo baat hamari hai wo baat hai qurani

Utra hai salami ko tara meri chaukhat par

(Main zainab hoon main zainab hoon) x2

7. Galion main phiratey ho bazaar main laye ho

Tum uski nawasi ko darbar main laye ho

Jo rehmat e alam hai jo sabr ka hai paikar

(Main zainab hoon main zainab hoon) x2

8. Bay jurm aseerom par pathar barsatay ho

Tum hum ko rulanay ko bazaar sajatay ho

Keh daiti hoon ae zalim dar qehr e Khuda say dar

(Main zainab hoon main zainab hoon) x2

9. "Rehan" sar e zindan Zainab ka yeh nauha tha

Zinda jo kahin hota Abbas mera bhayya

Lut tan a hamara ghar chinti na meri chadar

(Main zainab hoon main zainab hoon) x 4