Nuh o Khidhr, Ya’qub o Yusuf sab ne pukaara Ali (A.S.) Ali (A.S.)

(Ali Ali Ali Ali) x2

1. Meri Zabaan pe pehle hai Khuda, Khuda, Khuda, Khuda.

Khuda ke baad mere lab pe hai sanaa-e-Mustafa

Nabiyye muhtaram ke baad madhe shere kibriyaa

Khuda-e-Zuljalaal se mili hai jinko bartari

(Ali Ali Ali Ali) x2

2. Khuda ka wo safeer hai rasool ka wazeer hai

Wo auliyaa ka peer hai wo sab ka dastageer hai

Dua-e-Jibraeel hai wo jaushan-e-kabeer hai

Wo sab ka gham gusaar hai ho shaafa’I ke hanbali

(Ali Ali Ali Ali) x2

3. Dilo mein hai nazar mein hai shabo mein hai sahar mein hai

Adab ki manzilo mein hai qayaam mein safar mein hai

Fiza mein hai ghataa mein hai nujuum mein qamar mein hai

Usi se din ko roshni usi se shab ko chaandni

(Ali Ali Ali Ali) x2

4. Khuda ke saath saath hai Nabi ke saath saath hai

Ali (A.S.) ka rukh jidhar ho haq Ali (A.S.) ke saath saath hai

Ali (A.S.) ka fayz-e-bekaraan sabhi ke saath saath hai

Yehi sadaa-e-Qambari taraana-e-Qalandari

(Ali Ali Ali Ali) x2

5. Qadam qadam nafas nafas shehr shehr gali gali

Usi ke dam qadam se hai zamaane bhar mein roshni

Nahi hai jiski jutiyo se barhke taaje qaisari

Rajaz ye parhta jaaraha hai kaarwaan-e-Haideri

(Ali Ali Ali Ali) x2

6. Wo haq ki aabru bhi hai wo kufr ki hatak bhi hai

Wo tegh ki chamak bhi hai wo deen ki kamak bhi hai

Yaqeen ka falak bhi hai nusairiyo ka shak bhi hai

Usi ke waste khuda usi ka hai mahaawali

(Ali Ali Ali Ali) x2

7. Ali (A.S.) mein khushk-e-tar Ali (A.S.) sadaf Ali (A.S.) gauhar Ali (A.S.)

Rasool ki sipar Ali (A.S.) Zafar ka hai zabar Ali (A.S.)

Yahaan Ali (A.S.) Wahaan Ali (A.S.) Idhar Ali (A.S.) Udhar Ali (A.S.)

Usi ka naam aagaya fataah ki baat jab chali

(Ali Ali Ali Ali) x2

8. Chalo chalo ghadeer mein jahaan hai jashan ek bapaa

Utar ke aagae jahaan falak se saare anbiyaa

Ali banaae jaarahe hai jaanasheen-e-Mustafa

Zameen pe kya falak mein bhi hai aaj jashan-e-Haideri

(Ali Ali Ali Ali) x2