(lasha kisi mazloom ka be gor-o-kafan hay) x2

(Aey khak kay zaron aey tez hawaon) x2

1. Shabbir nay tarjeeh jisey di thi kafan par

Aada ney woh kurta bhi na rehney diya tan par

Ab tum kafan is ka bano

Aey khak kay zaron aey tez hawaon

(lasha kisi mazloom ka be gor-o-kafan hay) x2

Aey khak kay zaron aey tez hawaon

2. Bay dardon nay lashey ka ajab haal kia hay

mazloom ka tan ghoron say pamal say kia hay

aaza ko bikharney ney na do

Aey khak kay zaron aey tez hawaon

(lasha kisi mazloom ka be gor-o-kafan hay) x2

Aey khak kay zaron aey tez hawaon

Sar apna kataey hoeye jo ran main para hay

yeh ahmed-e-mukhtar ki godi ka pala hey

lillah aziyat na do

Aey khak kay zaron aey tez hawaon

(lasha kisi mazloom ka be gor-o-kafan hay) x2

Aey khak kay zaron aey tez hawaon

Hey dukhtar-e-mahboob khuda ka yeh dulara

yeh haider-e-karrar ki aankhon ka hey tara

laash is ki na barbad ho

Aey khak kay zaron aey tez hawaon

(lasha kisi mazloom ka be gor-o-kafan hay) x2

Aey khak kay zaron aey tez hawaon

Kat tey na agar bazoo-e-abbas-e-dilawar

yeh laash pari rehti na is tarha zameen par

ab tum hi hifazat karo

Aey khak kay zaron aey tez hawaon

(lasha kisi mazloom ka be gor-o-kafan hay) x2

Aey khak kay zaron aey tez hawaon

Lejatey na aabid ko agar kar kay giraftar

be ghusl o kafan rehtey na yoon syed-e-abrar

qaidi ki nayabat karo

Aey khak kay zaron aey tez hawaon

(lasha kisi mazloom ka be gor-o-kafan hay) x2

Aey khak kay zaron aey tez hawaon

Waris naheen moonis naheen koi naheen yawar

akbar hain na qasim hain na abbas-e-dilawar

dafnaney ka saman karo

Aey khak kay zaron aey tez hawaon

(lasha kisi mazloom ka be gor-o-kafan hay) x2

Aey khak kay zaron aey tez hawaon

Baqar haram-e-shah chaley janib-e-zindan

roey ga bhala kon sar-e-ganj-e-shaheedan

ab tum hi azadar ho

Aey khak kay zaron aey tez hawaon

(lasha kisi mazloom ka be gor-o-kafan hay) x2

Aey khak kay zaron aey tez hawaon