Ay qamr-e-bani hashim audio file

Ay qamr-e-bani hashim

(Abbas ameer-e-lashkaram ya sayyedi ya ghazi) x2 (Ameer-e-lashkaram abbas) x3

(Abbas ameer-e-lashkaram ya sayyedi ya ghazi) x2

  1. Khaimey say chala jab too hathon main alam lekar. Lagta tha chaley jesey khaibar ki taraf haider. Hilta tha jigar jis say woh rob tha aada par kehti ajal dar kay bigrey hain terey tewar
  2. (Ay qamr-e-bani hashim) x4

  3. Andaz-e-wigha tera har bani-e-shar dekhey. Yeh taigh teri ruk kar bas aik nazar dekhey. Chalti hoi medan main jis waqt jidhar dekhey, khud maut hawaaon main urtey hooey sar dekhey
  4. (Ay qamr-e-bani hashim) x4

  5. Shabbir kay dushman ka sar tan say juda kardey. Bijli ki tarha un par gir or fana kardey. Haibat say laeenon kay ausaan khata kardey saahil say hata pehrey mojon ko riha kardy
  6. (Ay qamr-e-bani hashim) x4

  7. Maqtal kay mawarikh ko bemisl kahani day. Pegham-e-ajal ghazi aada ko zabani day. Kar nasb alam apna saahil ko nishani day ja chheen lay ab darya mojon ko rawani day
  8. (Ay qamr-e-bani hashim) x4

  9. Tu yad dila un ko tareekh woh khaibar ki. Hay azm-o-shujaat main tasweer too haider ki .Ye jah-o-hasham tera hay maut sitamgar ki haan aaj niabat kar too hamza-o-jaffar ki
  10. (Ay qamr-e-bani hashim) x4

  11. Woh hashr utha run main hil jaaey zameen sari. Dunya ko dikhadey too ab shan-e-alamdari. Matti main miladey too aada ki jafakari woh aaey terey aagey ho maut jisey piari
  12. (Ay qamr-e-bani hashim) x4

  13. Hay kis main bhala himmat jo raah teri rokey. Youn khoon baha run main mojon main lahoo bhardey. Andaz wahi dikhla seekhey hain jo haider say too dast-e-qaza bankar lashon say saja rastey
  14. (Ay qamr-e-bani hashim) x4

  15. Hathon main alam terey mansab ki gawahi hay. Ye rasm-e-alamdari kya khoob nibhaai hay. Too foj-e-hussaini ka be taigh sipahi hay hathya naheen phir bhi qabzey main tarai hay
  16. (Ay qamr-e-bani hashim) x4.

  17. Medan main chaley jab tak talwar teri ghazi ho tez hawa say bhi raftar teri ghazi ho sher-e-khuda jesi lalkar teri ghazi bas goonjey qaza bankar yalghar teri ghazi
  18. (Ay qamr-e-bani hashim) x4

  19. Zinda hay zamaney main woh jah-e-hasham tera sunta hay duaaen too qaim hay bharam tera woh aik nishan jis ko kehtey hain alam tera har aik hussaini par hay dast-e-karam tera
  20. (Ay qamr-e-bani hashim) x4

  21. Pegham-e-ajal bankar medan main aa ghazi zehar ki duaoon ko hathyar bana ghazi darya say laeenon ko nazron say hat ghazi rehjaaey fizaaon main bas aik sada ghazi
  22. (Ay qamr-e-bani hashim) x4

  23. Bazoo jow katey terey pani jo baha ghazi or saath terey parcham reti pay gira ghazi masoom sakina ka dil toot gia ghazi sookhey hooey kuzon say aati thi sada ghazi
  24. (Ay qamr-e-bani hashim) x4

  25. Ye ahl-e-sitam aakar khaimon ko jalaaen gaiy be aas yatimon ko ab or sataaen gaiy chhenain gaiy rida sar say jab zulm ye dhaen gaiy aisey main haram rokar bus tujh ko bulaaen gaiy
  26. (Ay qamr-e-bani hashim) x4

  27. Andaz-e-wigha tera be taigh chal ran ko chehrey ki jalalat say lalkar kay lashkar ko ab kon bhala rokey talwar ki san san ko kehti ajal tujh say yeh thaam kay daman ko
  28. (Ay qamr-e-bani hashim) x4

  29. Bas mot ka pehra hay jis simt nazar jaaey yeh taigh teri ghazi jis sar say guzar jaaey woh maut ki haibat say bemaut hi marjaaey hay shor laeenon main lashkar na bikhar jaaey

(Ay qamr-e-bani hashim) x4