Baba dar lagta hay audio file

Baba dar lagta hay

(Baba dar lagta hay) x4

  1. Sakina qaid hokey sham kay zindan main jab aai, Wo bachi us andheri qaid ki tareeki say ghabraai, Muqaddar nay usey aafat ki pehli raat dikhlaai, Zameen to farsh thee saya figan tha charkh-e-meenai, Phupi kay paas rehti thee na maan kay paas soti thee, Barehna sar khari zindan kay darwazey pay kehti thee
  2. (Baba dar lagta hay) x4

  3. Jeeney ki aas naheen ab koi paas naheen, Main tarapti houn yahan kia ye ahsaas naheen, Pee liyee ashk-e-aza ab mujhey piyaas naheen, Bhayya akbar bhi naheen amoo abbas naheen Dil hay zakhmi mera or jigar phat ta hay
  4. (Baba dar lagta hay) x4

  5. Kitney ranjoor hooey ghar say jab door hooey, Zakhm jo dil main lagey sabhi nasoor hooey, Kul kay mukhtar they jo ab wo majboor hooey, Zakhm or sadmon say sab kay dill choor hooey, Dil tarapta hay mera dard jab uthta hay
  6. (Baba dar lagta hay) x4

  7. Aaj maloom hua kis ko kehtay hain jafa, Koi sunta hi naheen merey roney ki sada, Kaisi tareeki hay roshni hay na hawa, Qaid-e-tanhaai main lainey aaey gi qaza, Sans rukti hai meri dam mera ghut ta hay
  8. (Baba dar lagta hay) x4

  9. Ye aseeri baba ye ghareebi baba, Kia sitam dhati hay ye yateemi baba
  10. Inteha mujh pay hooi hay sitam ki baba, Ghar naheen jaaongi main kabhi bhi baba, Ghut kay marjaaongi ye mujhay lagata hay,

    (Baba dar lagta hay) x4

  11. Raat din ashk piyoon mit giya dil ka sukoon, Qaid khaney main bhal tum kahoo kaisey jioon, Kon hay apna yahan hal-e-dil kis say kahoon, Ye aseeri hay sitam bas isi gham main jaloon, Askh ban ban kay mera khoun e dil behta hay
  12. (Baba dar lagta hay) x4

  13. Dil kay jo paar gai gham ki talwar gai, Qaid e tanhai main zindagi haar gai, Ye judaai mujh ko jeetey ji maar gai, Karkey dil ko chalnee gham ki yalghar gai, Dard-e-furqat baba raat din dasta hay
  14. (Baba dar lagta hay) x4

  15. Kia muqaddar hay mera khak bistar hay mera, Be kasi kehti hay ab yahi ghar hay mera, Khoon or ashkon say kurta sab tar hay mera, Rona matam karna kam din bhar hay mera, Raat faryadon main rokey din kat ta hay
  16. (Baba dar lagta hay) x4

  17. Dekho chehrey pay ayan hain tamanchon kay nishan, Kan zakhmi hain merey khoun abhi tak hay rawan, Baba faryad meri ban gai gham ki azan, Koi insaan naheen sab darindey hain yahan, Ghurkiyaan dekey mujhay shimr jab hansta hay
  18. (Baba dar lagta hay) x4

  19. Nam us bachi ka hay mukammal nauha, Dil ki tarha mazhar ab qalam bhee roya, Mubtila gham main rahee dukhtar-e-shah-e-huda, Us kay honton pay rahi bas yahi aik sada, Sham kay zindan main baba dar lagta hay

(Baba dar lagta hay) x4