Barbad huwi zainab audio file

Barbad huwi zainab

(Barbad huwi zainab haey karbobala aakar) x3

(ghabraey gi zainab) x2

(Barbad huwi zainab haey karbobala aakar) x3

  1. Kaisa ye bhara gar hoa barbad ilahi kia aai tabahi, ab is ko na abad kabhi paaey gi zainab, ghabrayengi Zainab, zehra kay gulistan pay kuch aisey khizan aaey, is tarha luti zainab na betay hain na bhai, abad ghamon say hay so zakhm hain is dil par
  2. (Barbad huwi zainab haey karbobala aakar) x3

  3. Phat jaaey ga bas dekhtey hi ghar ko kaleja yad aaogey bhayya, dil dhondey ga tum ko to kahan paaey gi zainab, ghabrayengi Zainab, Dekhey gi to roey gi is ujrey hoey ghar ko, dhondoon gi kabhi tum ko qasim kabhi akbar ko
    dhondey gi nazar meri kis ja hay mera asghar
  4. (Barbad huwi zainab haey karbobala aakar) x3

  5. Be parda huwi qaid bhi khwahar nay uthai par maut na aai, kia janeiay kia kia abhi dukh paaey gi zainab, Ghabrayengi Zainab, ghar lut tey hoey dekha qaidi bhi bani zainab, sar nangey laeenon kay majmey main gai zainab, majma tha qiamat ka dekha hay ajab manzar
  6. (Barbad huwi zainab haey karbobala aakar) x3

  7. Poochen gey jo sab log key shanon pay hua kia ye neel hay kaisa, kis kis ko nishan rassi kay dikhlaey gi zainab, Ghabrayengi Zainab, poochey gi meri sughra roodad-e-safar bhayya, kis tarha dikhaaon gi ye zakhmi jigar bhayya, kia us ko bataaon gi kion neel hain shanon par
  8. (Barbad huwi zainab haey karbobala aakar) x3

  9. kis tarha safar sham ki rahon main tha jari mehmil na ammari, ye hal sunatey hoey marjaey gi zainab, Ghabrayengi Zainab, kia gham ka bayan likhon phat ta hay jigar mazhar, likh sakta naheen koi zainab ka safar mazhar, dil mera baha safdar aankhon say lahoo ban kar

(Barbad huwi zainab haey karbobala aakar) x3