Apne bandhe haatho ko, bimaarke zewarko bhuli nahi mai ......

Uthti hui aandhi ko, mehshat ko bayaabako

Chupte huwe suraj ko, taariki ko maydaako

Chalte huwe khanjar ko

Neze pe tere sar ko, Bhuli…..

Ek chand tha badlime, chupta tha nikal ta tha

Parda dare khayma ka, uthta kabhi girta tha

Wo khaimaa e laila se

Haye rukhsate Akbar ko, Bhuli ........

Yaad ata hai dulhan ko, gath kis tarha aye the

Ik gathri shahe wala, jab kandho pe laye the

Is lash ki gathri ko

Us khun bhari chadar ko, Bhuli ……

Fizza ko mera bhayi, maa kehke bula ta tha,

Gham uska mere bhayi, ye naam pe jataa tha

Ik bayne jo maa ban kar

Ayi ti thi madar ko, Bhuli ……

Lehrate huwe neza, aur shimr ka wo barna

Aa aake mere peeche, har bibi ka wo chupna

Sholo me gire gharko

Chinti huwi chaader ko, Bhuli .......

Yaad ata hai ek maa ka, wo khaak me das jana

Aur aag ke sholo me, wo maa ka julas jana

Jalte huwe julese

Lipti huwi madar ko, Bhuli .......

Maasum Sakina ko, barte huwe nezo ko

Siste huwe gaalo ko, be rehme tamacho ko

Siste huwe kaano ko

Khichte huwe gauhar ko, Bhuli .......

Jis raat mai tanhaa thi, us raat ke dhalne ko

Tute huwe neze ko, us raat ke pehre ko

Bacho ke sisakne ko

Aur khaak ke bistar ko, Bhuli .......

Un sham ki galiyo ko, din se khule sar guzre

Kis dar se guzar ne me, ye tola pehen guzre

Darbare ke us dar ko

Aur shamiyo ke shar ko, Bhuli ……

Hai aaj bhi wo giryaa, Hai aaj bhi wo zaari

Hai aaj bhi pathar ke, Sinese se lahu jaari

Rote huwe pathar ko

Pathar pe rakhe sarko, Bhuli ……

Ati hai Naveed jab bhi, awaaz ye zainab ki

Hay mujko kasam saddiyo, se sukhe huwe lab ki

Pyaase ali asghar ko

Sukhe huwe sagar ko, Bhuli ……

Apne bandhe haatho ko, bimaarke zewarko, Bhuli nahi mai ……