Haider ka sher hay

Woh nikley haram kay khaimon say abbas alam ko lehraaey

Ek shor utha halchal si machi kia haider darya par aaey

Woh ghaiz-o-ghazab tha ghazi ka laskhar aapas main takraaey

Talwaar giri naizey phainkey darya say hatey sab kay saaey

Abbas kharey hain darya par parcham ko apney phelaaey

(Haider ka sher hay darya par abbas) x2

  1. Chehrey ki jalalat kehti hay darya ko ulat kar rakh dega, Kia cheez hay saahil darya maqtal ko palat kar rakh dega, Maqtal ko banadega khaibar abba
  2. (Haider ka sher hay darya par abbas) x2

  3. Us waqt say ahl-e-zulm daro jab tum pay chaley shamsheer meri, Main sher-e-khuda ka sher houn or ye darya hay jageer meri, Masroof-e-wigha hain ye kehkar abbas
  4. (Haider ka sher hay darya par abbas) x2

  5. Tanha houn magar main lashkar houn ye jan lo misl-e-haider houn, Houn bali sakina ka saqqa iesar-o-wafa kay paikar houn, Kehta tha laeenon say barh kar abbas
  6. (Haider ka sher hay darya par abbas) x2

  7. Bas aik alam hay shaney par na taigh tabar hay na khanjar, Main taiz hawa ki mannind houn kia rok sakey ga ye lashkar, Main nam likhoun ga darya par abbas
  8. (Haider ka sher hay darya par abbas) x2

  9. Mojon say kinara kehta hay woh sher ali ka aata hay, No laakh ka lashkar maidan main is khauf say ab ghabrata hay, Le jaaey ga mashkeeza bhar kar abbas
  10. (Haider ka sher hay darya par abbas) x2

  11. Mamoor hay jo bhi pehrey par ye baat kaho us say jakar, Le jaaey ga darya mutthi main hay ghaiz main ye rashk-e-haider, Zehra ki duaaon ka hay samar abbas
  12. (Haider ka sher hay darya par abbas) x2

  13. Alqissa gia darya pay jari qabza bhi kia or mashk bhari, Pani na pya khemey ko chala bachon ki bujhaney tashna labi, Tha sab ki duaaon ka mehwar abbas
  14. (Haider ka sher hay darya par abbas) x2

  15. Bazoo bhi girey hain darya par or khoon badan say jari, Abbas ko apni jan say ziada mashk-e-sakina piyaari hay, Khaimon ki taraf karta hay safar abbas
  16. (Haider ka sher hay darya par abbas) x2

  17. Ek gurz laga peshani par ghorey say gira sher-e-haider, Girtey hi sada di aaqa ko hay waqt-e-museebat khadim par, Khaimey say chaley rokar sarwar abbas
  18. (Haider ka sher hay darya par abbas) x2

  19. Shabbir jo laaey mashk-o-alam sar peet kay roey ahl-e-haram, Woh baat likhoun kaisey mazhar qirtas lahoo lachar qalam, Kion aya naheen maindan say ghar abbas

(Haider ka sher hay darya par abbas) x2