Nabi nabi nabi nabi, nabi nabi nabi nabi (2x)

Nabi nabi nabi nabi, nabi nabi nabi nabi (2x)

Nabi nabi nabi nabi, nabi nabi nabi nabi (2x)

1. Hawaaon mei bhi noor hay, fizaon me bhi noor hay

Jahaano(n) mei bhi noor hay, bahaaro(n) mei bhi noor hay

Kahee(n) nahi hay teergi, har ek taraf hay roshni,

Yeh dayn hay sub aapki

Nabi nabi nabi nabi, nabi nabi nabi nabi (2x)

2. Ho(n) barg-o-phool ya kali, har aik par hay taazgi,

Nagar nagar gali, hay noor say saji huwi

Jala chiragh-e-hashmi, mitee jahaa(n) say teergi,

Pukarti hay roshni

Nabi nabi nabi nabi, nabi nabi nabi nabi (2x)

3. Hai(n) fikr mand abh sabhi, nujoomi aur jyotishi

Yeh aayi konsi ghari, girai(n) hay aaj but kayi

Suni thi hum nay jo kabhi, alaamate(n) hain sub wohi

Kahi subhi nay ankahi

Nabi nabi nabi nabi, nabi nabi nabi nabi (2x)

4. Zamee(n) say aasmaan tak, makaa(n) say laa makaan tak

Har ek kay jismo jaan tak, zabaan aur bayaan tak

Gyaniyo(n) kay gyaan tak, khuda kay har jahaan tak

Hay apki hi rehbari

Nabi nabi nabi nabi, nabi nabi nabi nabi (2x)

5. Yeh aamina kay laal hain, habib-e-zuljalal hain

Ghazab kay khush khisal hain, kamaal hi kamaal hain

Yeh kufr ka zawaal hay, yeh khayr-e-bemisaal hay

Yehi hain saahib-e-wahi

Nabi nabi nabi nabi, nabi nabi nabi nabi (2x)

6. Yeh panjatan mei meer hain, yeh khalq mei kabeer hain

Inhi kay sab aseer hain, yeh paancho(n) benazir hain

Bashir hain nazir hain, hamare dastageer hain,

Yeh mash’alain hain noor ki

Nabi nabi nabi nabi, nabi nabi nabi nabi (2x)

7. Khadija malka-e-arab, hain zoja-e-rasool-e-rub

Huwi jo deen ko talab, laga hay inka maal sub

Nabi ki aal ka sabub, salaam inpe rozo shub

Yeh maa hain momineen ki

Nabi nabi nabi nabi, nabi nabi nabi nabi (2x)

8. Nabi ka lub pe naam ho, yeh zikr subh-o-shaam ho

Yeh zikr itna aam ho, isi pe ikhtitaam ho

Kahu(n) nabi nabi nabi, likhu(n) nabi nabi nabi

Sunu(n) nabi nabi nabi

Nabi nabi nabi nabi, nabi nabi nabi nabi (2x)

9. Khalil ki dua ho tum, kaleem ki nawa ho tum

Masee’h ki sada ho tum, habib-e-kibriya ho tum

Ajeeb dilruba ho tum, khuda hi jaane kya ho tum

Samajh saka na aadmi

Nabi nabi nabi nabi, nabi nabi nabi nabi (2x)

10. Zameen ho ke aasmaa(n), za’eef ho ke ya jawaa(n)

Who dash ho ke gulsita(n), bahaar ho ke ya khizaa(n),

Jawab inka hay kahaa(n), yeh hain sabhi pe mehrbaa(n)

Khuda ke baad hain yahi

Nabi nabi nabi nabi, nabi nabi nabi nabi (2x)

11. Khuda ke rasool hain, yeh waalid-e-batool hain

Hassan hussain phool hain, yeh saahib-e-rasool hain

Hain aik jaa(n) ali nabi, hay kufr inki humsari,

Razaa-e-rub hain yeh sabhi

Nabi nabi nabi nabi, nabi nabi nabi nabi (2x)

12. Hame bata gaye nabi, karoge tum jo perawi

Kitaab-o-ahlebayt ki, bhatak na paaoge kabhi

Nabi ko bus yeh fikr thi, bane na koi dozakhi

Bachaayi gham se zindagi

Nabi nabi nabi nabi, nabi nabi nabi nabi (2x)

13. Khuda se dharr namaaz parh, jhuka le sur namaaz parh

Ho kuch magar namaaz parh, mitay ga sharr namaaz parh

Namaaz awwaleen hay, yeh ek sutton-e-deen hay

Yeh khud huzoor nay parhi

Nabi nabi nabi nabi, nabi nabi nabi nabi (2x)

14. Inhe habib-e-haq kaho, durood roz-o-shab parho

Jo yeh kahe(n) wohi karo, jidhar kahe(n) udhar chalo

Khuda ka yeh kalaam hay, usi ka yeh payaam hay,

Yahi hain aakhri nabi

Nabi nabi nabi nabi, nabi nabi nabi nabi (2x)

15. Mei haidery hu(n) haidery, nahi hay fikr hashr ki

Hay fikr mujh ko bus yahi, ho khatm jub yeh zindagi

Jub aaye maut ki ghari, jo aye saans aakhri

Zabaan par ho bus meri

Nabi nabi nabi nabi, nabi nabi nabi nabi (2x)

Yaa mustafa, yaa mustafa, yaa mustafa yaa mustafa