(Khayaal-e-Fatemah dee(n) ki hay Aabroo Zainab) x2

1. Hay "Zay" say zeenat-e-ajdaad "ye" say Yakta hay
   To "Noon" say yeh Naboowat ki Mohsina Ttheri
   Jo "Bay" kay raaz ko kholoo(n) to "Bay" Ali Mola
   Thi baab-e-ilm ki beti muallima ttheri
   Misaal-e-Fatemah Zehra hay hoobahoo Zainab

Khayaal-e-Fatemah dee(n) ki hay Aabroo Zainab

2. Mujhay Hussain ki bemisl sajdahgah ki Qasam
   Kahee(n) na hotee(n) namaz-o-quraan ki baatai(n)
   Manaat-o-laat ki pooja bahaal ho jaati
   Na koi karta dehr main eemaan ki baatain
   Sunaanay khutbay jo jaati na koobakoo Zainab

Khayaal-e-Fatemah dee(n) ki hay Aabroo Zainab

3. Janab-e-Akbar-e-zeJaah ki parwarish karkay
   Muqaam-e-Aamina Khaaliq say paa gai bibi
   Janaab-e-Aabid-e-beemaar ki baqa kay liyay
   Dayaar-e-shaam main sir nangay aagai bibi
   Ali ki tarah thi baatil kay roobaroo Zainab

Khayaal-e-Fatemah dee(n) ki hay Aabroo Zainab

4. Ajeeb aalam-e-ghurbat tha shaam mai(n) logo
   Rasan main qaidi thee baalo(n) say moo(n) chupayay huay
   chahaar simt say honay lagi thi sangbaari
   hui jo daakhil-e-bazaar sir jhukayay huay
   Bachaati deen ko hogai lahoo lahoo Zainab

Khayaal-e-Fatemah dee(n) ki hay Aabroo Zainab

5. Janaab-e-syed-e-Sajjad aik din logo
   chalay to gir pa(r)ay qadam uttha na sakay
   Yu(n) Shimr ko(r)ay ko lehraata aagaya yakdum
   Haram zaeef ko maloon say bacha na sakay
   Ajeeb yaas say takti thi chaar soo Zainab

Khayaal-e-Fatemah dee(n) ki hay Aabroo Zainab

6. Hujoom-aam say guzri to aik aurat nay
   Ali ki beti ko pathar uttha kay maara tha
   Baha jo khoon to chehray pay ik naqaab bana
   yeh pardadaar ki fatha ka ik ishaara tha
   Chalee thi jaanib-e-darbaar surkhuroo Zainab

Khayaal-e-Fatemah dee(n) ki hay Aabroo Zainab

7. Kabhi Sakeena ko deti rahi dilaasay wo
   Kabhi Rubab ka ghurbat mai(n) gham ba(n)tati thi
   Kabhi Sajjad kay ashko(n) ko saaf karti thee
   Kabhi wo Farwa ko apnay galay lagaati thi
   Ba(R)i Katthin thi jo karti thi justujoo Zainab

Khayaal-e-Fatemah dee(n) ki hay Aabroo Zainab

8. Dayaar-e-ghair mai(n) Tauqeer pardaydaari ko
   Ali ki beti nay kuch iss tarah sajaya tha
   Banaya baalon(n) say parda to sir pay khaak-e-shifa
   Zubaa(n) pay lehja-e-Shair-e-khudda sajjkaya tha
   Ali kay lehjay mai(n) karti thi guftagoo Zainab

Khayaal-e-Fatemah dee(n) ki hay Aabroo Zainab