Laasha kisi mazlum ka beghoro kafan hai

Waaris koi moujuud nahi ruuh ka saban hai

Dafnaane ka saamaan karo Ay khaak ke zarro ai tez hawaao

(Ay khaak ke zarro ai tez hawaao) x2

1. Shabbir ne tarbeeh jise dee thi kafan par

Aadaa ne who kurta bhi na rehne diya tan par

Ab tum kafan uska bano Ay khaak ke zarro ai tez hawaao

(Ay khaak ke zarro ai tez hawaao) x2

2. Bedardo ne laashe ka ajab haal kiya hai

Mazluum ka tan goro se paamaal kiya hai

Aada ko bhi karne na do Ay khaak ke zarro ai tez hawaao

(Ay khaak ke zarro ai tez hawaao) x2

3. Sar apna kataae huwe jo ran me para hai

Ye ehmade mukhtar ki godi ka palaa hai

Lillah aziyat na do Ay khaak ke zarro ai tez hawaao

(Ay khaak ke zarro ai tez hawaao) x2

4. Hai dukhtar-e-mehboob-e-khuda ka ye dulaara

Ye haidare karraar ki aankhon ka hai taara

Laash iski na barbaad ho Ay khaak ke zarro ai tez hawaao

(Ay khaak ke zarro ai tez hawaao) x2

5. Chinti na agar zainab-e-mazloom ki chadar

Ye laash pari rehti na is tarha zamin par

Dafnaane ka saamaa(n) karo Ay khaak ke zarro ai tez hawaao

(Ay khaak ke zarro ai tez hawaao) x2

6. Le jaate na aabid ko agar karke giraftaar

Be ghuslo kafan rehta na yun sayyade abraar

Qaidi ki niyabat karo Ay khaak ke zarro ai tez hawaao

(Ay khaak ke zarro ai tez hawaao) x2

7. Maara gaya hai jo bhi shaki dafn huwa

Aur sibte payamber yuhi beghor para hai

Matti shahe be dasht ko do Ay khaak ke zarro ai tez hawaao

(Ay khaak ke zarro ai tez hawaao) x2