Karbobala ko sadyaan guzri, aaj hai phir qul dor naya

Laikin ay is dour ke insaan, jag zara aur soch zara

Tarz-e-bala kya khatm huwi aashura bhi kya khatm huwa

Arzo samaa mei gunj rahi hai aaj bhi ye bas ek sadaa

(Kullu yawmin Ashura) x2 kullu ardhin Karbala

Arzo samaa mei gunj rahi hai aaj bhi ye bas ek sadaa

(Kullu yawmin Ashura) x2 kullu ardhin Karbala

Arzo samaa mei gunj rahi hai aaj bhi ye bas ek sadaa

1. zulmat ki kab raat kati hai zulmat ke aasaar to hai

Dunya bhi masnad pe hai jaawir, (ehle bapaa bezaar to hai) x2

Aaj yazeed-o-shimr nahi hai unke kuch kirdaar to hai

Koi shahadat saamne aaye koun kare sar tez-e-jafa

Arzo samaa mei gunj rahi hai aaj bhi ye bas ek sadaa

Kullu yawmin Ashura kullu ardhin Karbala

2. Jawir ka phir chaal wohi hai zaalim ka ikraam wohi

Dil bhi toofan zehn bhi toofan (aaj hai nafrat aam wohi) x2

Aashure ka din bhi wohi hai aashure ki Shaam wohi

Fikre huseini tanha tanha tanha hai khud dasht-e-balaa

Arzo samaa mei gunj rahi hai aaj bhi ye bas ek sadaa

Kullu yawmin Ashura kullu ardhin Karbala

3. aaj wohi hai marze huseini jo haq ka izhaar kare

Apne lahu ki shaabaani se (roshan jo kirdaar kare) x2

Har zaalim aur har jaawir ki bay’at se inkaar kare

Iski thokar par rehta ho zaalim ka har tarz-e-jafaa

Arzo samaa mei gunj rahi hai aaj bhi ye bas ek sadaa

Kullu yawmin Ashura kullu ardhin Karbala

4. Jaaiz hai jo aiwaano mei woh sacha Islam nahi

Tuti hai woh sab taarikhe (dil mei Ali ka naam nahi) x2

Dil mei huseini subha nahi hai dil mei huseini Shaam nahi

Apne lahu se tu jo likhega aisi ik taarikh banaa

Arzo samaa mei gunj rahi hai aaj bhi ye bas ek sadaa

Kullu yawmin Ashura kullu ardhin Karbala

5. Kufr ke parcham duur talak hai ab tak pharera koi nahi

Pehli ki is pyaasi dunya mei (ilm ka darya koi nahi) x2

Har jaanib ik karbobala hai ibne Zahra koi nahi

Ik sajda khanjar ke tale ab kon karega aaj adaa

Arzo samaa mei gunj rahi hai aaj bhi ye bas ek sadaa

Kullu yawmin Ashura kullu ardhin Karbala

6. Inse mohabbat karne waalon in jaisa aijaaz bhi ho

Inke azadaron mei logo (inka kuch andaaz bhi ho) x2

Matam ki Awaaz mei shamil halmin ki aawaaz bhi ho

Inka juloos-e-matam hai ye kuch to unka aas banaa

Arzo samaa mei gunj rahi hai aaj bhi ye bas ek sadaa

Kullu yawmin Ashura kullu ardhin Karbala

7. Kehti hai aulaad-e-Ali ye baatil mei ab dam kya hai

Auno Mohamed akbaro qaasim (rutbah inka kam kya hai) x2

Din ki pyaas buja dete hai khud pyaase hai gham kya hai

Uske bande maqtal mei bhi hote hairaan dee(n) ba raza

Arzo samaa mei gunj rahi hai aaj bhi ye bas ek sadaa

Kullu yawmin Ashura kullu ardhin Karbala

8. Zulm kare jo mazlumo(n) par ab woh hamara saath nahi

Insanon ka qaatil hai jo (usse hamari baat nahi) x2

Haakim jo bhi fasiq hoga uska hamara saath nahi

Apni manzil apna rasta halmin naasir yansurna

Arzo samaa mei gunj rahi hai aaj bhi ye bas ek sadaa

Kullu yawmin Ashura kullu ardhin Karbala

9. Aaj bhi malik arze balaa mei pursa koi insaan nahin

Deeno(n) mei kuch aatish-e-imaan (honthon par quraan nahi) x2

Warna to aasaan bohot hai inse wafaa aasaan nahi

Waqt ki aandhi tez bohot hai koun jalaaye aaj diya

Arzo samaa mei gunj rahi hai aaj bhi ye bas ek sadaa

Kullu yawmin Ashura kullu ardhin Karbala