(Be kafun lash-e-baradar) x2 ki bohut yaad ayee

(Qaid say jis ghari zainub ney rehai paee) x2

1. Khul gaye hath rida bhi mili shehzadi ko

Kehti thee kya karoun iss tarha ki azadi ko

Ab bhatija hai meray sath na mera bhai

(Qaid say jis ghari zainub ney rehai paee) x2

2. Ub watun jaon to shayed na koi pehchaney

Haal keh daingay mera sub meray zukhmi shaney

Hai meray sath abhi tuk ye meri tunhaee

(Qaid say jis ghari zainub ney rehai paee) x2

3. Phir gaya ankhoun mein her kerbobala ka munzer

Yaad phir aney lagey dukhtar-e-shah ke gohur

Shidat-e-durd se her gaam pe thoker khaee

(Qaid say jis ghari zainub ney rehai paee) x2

4. Bhool payee na sakina ke tamachey khana

Mushk ek sokhi liyay janib-e-durya jana

Yaad-e-sarwar mai turpti hi rahi maajaee

(Qaid say jis ghari zainub ney rehai paee) x2

5. Yaad zainub ko wo abbas ke bazu aye

Aur qasim ke liye ankhon mai ansoo aye

Kub ghum -o -kurb se zainub nay rehai paee

(Qaid say jis ghari zainub ney rehai paee) x2

6. Jub safur se koi ata hai to bachon ke liye

Kuch na kuch sath mai lata hai zarori tuhfay

Mai to sughra ke liye gurd-e-safur houn laee

(Qaid say jis ghari zainub ney rehai paee) x2

7. Karbala jaongi bhai ke janaze pe agar

Samna kaisey karegi tan-e- uryan ka nazar

Soorat-e-ashq na beh jaey meri beenai

(Qaid say jis ghari zainub ney rehai paee) x2

8. Aik turbat jo bana aie hon zindan mein abhi

Thi rehai ki tamana liye kab sey bachi

Haey is bachi ney marke na rehai paee

(Qaid say jis ghari zainub ney rehai paee) x2

9. Sar pey chader hai chalo khush mera ghazi hoga

Kum sey kum ab tu nahin tarpey ga lasha uska

Ab tu ja sakti hai maqtal mein yeh zehra jaee

(Qaid say jis ghari zainub ney rehai paee) x2

10. Qaid sey chut ke "ali" thi yehi zainub ki fughan

Kaha gaya meri sakina ko sitam ka zindan

Wo rahi qaid mein kyonker mein watun mein ayee

(Qaid say jis ghari zainub ney rehai paee) x2