(Baba bara andhera hai) x2 (Ek diya koi jala dai sham kay zindan mai) x2

1. Khaq key bistur pay mujhko neend kaisay aaegi

Khun aankhoun say Sakina her ghari bersaye gi

Aap ki furqut may baiti kis tarhaa gee payai gi

Yey dil dohai deta hai baba bara andhera hai

(Ek diya koi jala dai sham kay zindan may) x2

2. Khoun hai kanoo say jari aur hountoo per buqa

Dai rahi houn sham kay es qaid khanay may sada

Her ghari taza musibut her ghari taza jafa

Baydurd sari dunya hai baba bara andhera hai

(Ek diya koi jala dai sham kay zindan may) x2

3. Ab hua ehsas mujhko hai yatimi kya bhala

Meray ronay per hain pehray aur matum per saza

Sham kay zindan may hai zindigi bay aasra

Her dum laboo pay nawha hai baba bara andhera hai

(Ek diya koi jala dai sham kay zindan may) x2

4. Ek sukoo(n) ka saans layna bhi yahan dushwar hai

Qulb mai paiwast baba durd ki talwar hai

Zindigi nawha kuna hai maut matum dar hai

Mahaul qabr jaisa hai baba bara andhera hai

(Ek diya koi jala dai sham kay zindan may) x2

5. Zalimoo say pochti houn kya khata mujh say hui

Bus yaihe hai jurm mera mai houn beti aap ki

Inn darindou say bachalo warna mai mer jaoungi

Ek khouf mujhko rehta hai baba bara andhera hai

(Ek diya koi jala dai sham kay zindan may) x2

6. Kiyoun nahi sunta hai koi aansooun ki ilteja

Koi dai mujhko dilasay aap hain aur na chacha

Aisay jenay say tu behtur maut ka aana bhala

Ehsas ub yai hota hai baba bara andhera hai

(Ek diya koi jala dai sham kay zindan may) x2

7. Ek dil-e-hussas hai aur lakhoo sudmay qaid kay

Ghur may ja ker bhi nazur aingay supnay qaid kay

Upnay dammun may samaytay zukhm itnay qaid kay

Yey zukhm sub say gehra hai baba bara andhera hai

(Ek diya koi jala dai sham kay zindan may) x2

8. Aiasa lugta hai yahan per sans lena jurm hai

Haey es tunhaie say bhi baat kerna jurm hai

Hudd hoie kay roshni ka bhi guzrna jurm hai

Dekho ye situm kaisa hai baba bara andhera hai

(Ek diya koi jala dai sham kay zindan may) x2

9. Jo Sakina ki fughaa thi ho bayyan kaisay "Ali"

Aansooun ki ulqama ub aankh say jari huie

Durd ki rodad likh ker roya "Anser Azmi"

Kaisa ajeeb misra hai baba bara andhera hai

(Ek diya koi jala dai sham kay zindan may) x2