Tu na aaya ghazi audio file

Tu na aaya ghazi

(Haaye Mere Abbas) x4

(Jab Ridaa Sar Se Chhini, Mai Sadaa Deti Rahi, Tu Na Aaya Ghazi) x2

  1. Aale-Imraan Kahaan, Aur Zindaan Kahaan
  2. Ye Behen Qaid Huwi, Tu Na Aaya Ghazi

    Jab Ridaa Sar Se Chhini, Mai Sadaa Deti Rahi, Tu Na Aaya Ghazi

  3. Hamko Paani Na Mile, Teri Khushbu Toh Rahe
  4. Tere Baazu Na Kate, Chaahe Mashkiza Chhide

    Yeh Magar Ho Na Saka, Tere Baazu Hai Judaa,

    Mujhpe Hai Tashna-Labi, Tu Na Aaya Ghazi

    Jab Ridaa Sar Se Chhini, Mai Sadaa Deti Rahi, Tu Na Aaya Ghazi

  5. Dhup Mai Tu Thaa Shajar, Tujhse Aabaad Thaa Ghar
  6. Hai Barehna Mera Sar, Kya Nahin Tujhko Khabar

    Ay Alamdaare-Wafaa, Is Behen ko bakhuda

    Tujhse Dhaaras Thi Bari, Tu Na Aaya Ghazi

    Jab Ridaa Sar Se Chhini, Mai Sadaa Deti Rahi, Tu Na Aaya Ghazi

  7. Aagayi Shaam-e-Alam, Lutgaye Ehle-Haram
  8. Ret Par Jalti Huwi, Hogaya Thanda Alam

    Pursaa Dene Ke Liye, Mujhse Milne Ke Liye

    Aagaye Baba Ali, Tu Na Aaya Ghazi

    Jab Ridaa Sar Se Chhini, Mai Sadaa Deti Rahi, Tu Na Aaya Ghazi

  9. Kya Kahun Sher Mere, Beridaa Hamko Liye
  10. Ye Musalmaa(n) Saare, Shehr dar Shehr Gaye

    Khilqate Kufa Kabhi, Khilqate Shaam Kabhi

    Aur Haa(n) Ham Pe Hassi, Tu Na Aaya Ghazi

    Jab Ridaa Sar Se Chhini, Mai Sadaa Deti Rahi, Tu Na Aaya Ghazi

  11. Kitni Bebas Thi Behen, Ai Shehenshaahe Wafaa
  12. Naam Leleke Mera, Jab Ye Zaalim Ne Kahaa

    Naaz Tha Jispe Tujhe, Ab Bulaaona Usse

    Aur Mai Roti Rahi, Tu Na Aaya Ghazi

    Jab Ridaa Sar Se Chhini, Mai Sadaa Deti Rahi, Tu Na Aaya Ghazi

  13. Qaid Khaane Mai Qazaa, Jab Sakina Ko Mili
  14. Deke Kurte Ka Kafan, Bacchi Dafnaayi Gayi

    Us Ghari Naam Tera, Surate Naade-Ali

    Dukh Mai Dohraati Rahi, Tu Na Aaya Ghazi

    Jab Ridaa Sar Se Chhini, Mai Sadaa Deti Rahi, Tu Na Aaya Ghazi

  15. Roya "Rehan" Kalam, Karke Yeh Baat Raqam

Khun Mai Dub Gaya, Mere Ghazi Ka Alam

Zakhmi Zainab Ka Jigar, Khun-Fishaan Shah Ka Sar

Aaye Khaimon Mai Shaqi, Tu Na Aaya Ghazi

Jab Ridaa Sar Se Chhini, Mai Sadaa Deti Rahi, Tu Na Aaya Ghazi

(Tu Na Aaya Ghazi) x2