Zainab faryaadi he maula

Aankhein nam aur dil he muztar

Zainab faryaadi he maula

1. Saaya-e-ismat me jo pali he

Saani-e-zehra binte ali he

Uska sare aqdas be chadar

Zainab faryaadi he maula

2. Maa ke bina hale miskeeni

Haye who bachpan haye yateemi

Kohe alam toota he dil par

Zainab faryaadi he maula

3. Royi he jo majaye hasan ko

Chod ke abh jaana he watan ko

Qabre mohammed par ro ro kar

Zainab faryaadi he maula

4. Godi khaali jhoola khali

Ek maa aur uski barbaadi

Asghar he aur khaakh ka bistar

Zainab faryaadi he maula

5. Doob gaye sab chand sitare

Ronake duniya ghar ke ujale

Haye who kaise kaise dilawar

Zainab faryaadi he maula

6. Laashe hay maqtal ki zameen he

Kya he qayamat bhi to nahein he

Sheh ka gala aur shimr ka khanjar

Zainab faryaadi he maula

7. Ek qayamat aur khari he

Khaima-e-sheh me aag lagi he

Khaime me he abid-e-muztar

Zainab faryaadi he maula

8. Yaad bohot karti he madina

Ghoot ghoot kar roti he sakina

Bhool gayi kya hota he ghar

Zainab faryaadi he maula

9. Qaid ki tareeki na sataye