Abbas kahan ho audio file

 

Abbas Kahan Ho Ajao

 

1:       Zainab ne kaha ye ro ro kar

          bazaar main hon main nangay sir

          abbas kahan ho ajao

 

2:       main bekus hon dukh paai hon

          main sarwar ki maan jaai hon

          marjaongi ghum se ghut ghut kar

          abbas kahan ho ajao

 

3:       tum roothay akbar qatal hue

          sub mooniso yawar qatal hue

          be chaadar phirti hon dar dar

          abbas kahan ho ajao

 

4:       ye kesi musibat aae hay

          har simt faqat tanhai hay

          lillaha sahara do aakar

          abbas kahan ho ajao

 

5:       faryad hay ibn-e-shah-e-najaf

          bazaar sajay hain charon taraf

          ankhain hain guhar phat ta hay jigar

          abbas kahan ho ajao

 

6:       jana hay sar-e-darbar-e-jafa

          abbas mujhe ati hay haya

          maangu main bhala kis se chadar

          abbas kahan ho ajao

 

7:       qasim bhi nahi akbar bhi nahi

          hud ye hay ali asghar bhi nahi

          faryaad karon kis se jakar

          abbas kahan ho ajao

 

8:       zindaan main kabhi darbaron main

          hay al-e-nabi bazaron main

          emdaad karo ibn-e-haider

          abbas kahan ho ajao

 

9:       sub ahel-e-aza hain girya kunaan

          hay aaj musayyab noha kunaan

          kehta hay bilaal-e-khasta jigar

          abbas kahan ho ajao