Ae mere raza audio file

Ae Meray Raza (a.s) Mola

1: Shaheed-e-jor-o-jafa ae meray raza mola

Aseer-e-runj-o-bala ae meray raza mola

2: ujara kis ne nabi k chaman ko mash-hud main

mila hay zehr ghareeb ul watan ko mash-hud main

hue behan se juda ae meray raza mola

3: diya wo zehr badan hogaya tha zard tamam

salaam aap ki ghurbat pe ae ghareeb imam

har aik zulm saha ae meray raza mola

4: hay ghum zada wo behan jis ki qum main hay turbat

ghareeb bhai ki uthi thi dhoom se mayyat

chali wo ghum ki hawa ae meray raza mola

5: khuda k arsh pe our momino k seenay main

diyaar-e-qum main khurasaan main madinay main

bicha hay farsh-e-aza ae meray raza mola

6: tumharay yom-e-shahadat pe arsh hay pur num

tumharay ghum main tumhari judai main maatum

hay sher-e-qum main bapa ae meray raza mola

7: uthaya zainab-o-kulsoom ne jo baad-e-hussain

ussi tarhan se ye masooma qum main thin bechain

wo ghum behan ko mila ae meray raza mola

8: musayyab our zafar aaj bhi azaanon main

zameen se arsh se mash-hud k qaid khanon se

ye arahi hay sada ae meray raza mola