Ali ki beti audio file

 

Ali Ki Beti Ka Sir Khula Hay, Haya Se Suraj Bhi Chup Gaya Hay

 

Ali ki beti ka sir khula hay, haya se suraj bhi chup gaya hay

Ridaaen ansoo baha rahi hain ghilaaf kabay ka roraha hay

 

1:       ajeeb bazaar ka hay manzar

          baras te hain har taraf se phattar

          sadaen hain baghiyon ko maro

          bata khuda kiya ye majra hay

          Ali ki beti ka sir khula hay, haya se suraj bhi chup gaya hay

 

2:       sikhaya dunya ko jis parda

          wo khud hay balway main sir bahrehna

          hay qaidi koofay ki shahzadi

          rasool ko ajrr ye mila hay

          Ali ki beti ka sir khula hay, haya se suraj bhi chup gaya hay

 

3:       khuda ra pehchano kalma goyo

          na sadqa kar k khajoor phenko

          haraam sadqa hay inn pe logo

          k ye to oulad-e-mustafa hay

          Ali ki beti ka sir khula hay, haya se suraj bhi chup gaya hay

 

4:       tamasha inn ka na yon banao

          haya karo kuch nazar jhukao

          wo jis ka phartay ho roz kalma

          ussi ki oulad par jafa hay

          Ali ki beti ka sir khula hay, haya se suraj bhi chup gaya hay

 

5:       ye saarban hay jo qaidiun ka

          hadaf hay ab jo yazidiyon ka

          jo pusht pe durray kha raha hay

          ye hi to beta hussain ka hay

          Ali ki beti ka sir khula hay, haya se suraj bhi chup gaya hay

 

6:       rasan hay ek our galay hain bara

          sitam ye kesa hay ya khuda ya

          hain jis rasan main galay baron k

          ussi main bachi ka bhi gala hay

          Ali ki beti ka sir khula hay, haya se suraj bhi chup gaya hay

 

7:       jhuka hay yon bhi dilair ka sir

          nazar na par jae bibiyon par

          gawara abbas ko nahi hay

          sinaan se khud ko gira raha hay

          Ali ki beti ka sir khula hay, haya se suraj bhi chup gaya hay

 

8:       masaaeb-e-bint-e-syeda ko

          sitam zareefi ki intiha ko

          sohail tehreer kartay kartay

          qalam bhi ansoo baha raha hay

          Ali ki beti ka sir khula hay, haya se suraj bhi chup gaya hay