Karam kar audio file

 

Karam kar mere pak parwar digar.

 

(1)             Karam kar mere pak parwar digar.

Atta be qararon ko kar de qarar.

              Jo hain talib-e-bheak ehel-e-aza.

                    Uthaen hain jis jis ne dast-e-dua.

                    Tujhe choda masoomon ka wasta.

                    Atta be qararon ko kar de qarar.

 

(2)     Behaqq-e-habib-e-khuda bheak de.

                    Behaqq-e-ali murtaza bheak de.

                    Hamain sadqa-e-syeda bheak de.

                   Hain phelae daman sub hi ghumgusaar.

 

(3)     Dua kar rahe hain ye hum dil malool.

                   Rahain hum se razi ali our  rasool.

                   Sir-e-hashr phonchen jo pesh-e-batool.

                   Aza daron main ho hamara shumaar.

 

(4)     Jo nashaad hain shaad kar de unhen.

                    Museebat se azaad kar de unhain.

                   Jo be ghar hain aabad kar de unhain.

                   Masaeb ka chant jae gard-o-ghubaar.

 

(5)     Ellahi tu bichrde huon ko mila.

                   Jo maqrooz hain un k karze chukka

                   Jo bemaar hain jald paen shifa.

                    Dukhi sub dilon ki tu sun le pukaar.

 

(6)     Rasool-e-zaman ka tujhe wasta.

                   Ali k chaman ka tujhe wasta.

                   Hussain-o-hassan ka tujhe wasta.

                    Gharon main hamare ho sada bahaar.

 

(7)     Ellahi humain jald din wo dikha.

                   Wo aaey jo hai waris-e-mustafa.

                   Jo hai muntaqim khoon-e-shabeer ka.

                    Sub hi matami hain baray be qarar.

 

 

 

 

(8)     Muhammad k sub pyare hon jaen aik.

                    Gham-e-shah k mare hon jaen aik.

                    Hussaini hain jo sare hon jaen aik.

                   Jo millat main hai khatam ho inteshaar.

 

(9)     Tere naam pe dar ba dar jo phire.

                   Tere deen k khatir jo qaidi bane.

                   Jo shera main pyase hi mare gae.

                   Hain un pe bhi hamari janen nisaar.

 

(10)   Wo shezadi jis ko tamanche lagey.

                   Wo shezadi  dur jis k cheene gae.

                   Wahi kaan bhi jis k zakhmi hue.

                   Jo thi apne baba k Dil ka qarar.

 

(11)   jo sedaniyan thi mahun main asseer.

                   Jo sedaniyan thi ghutan main asseer.

                    Jo sedaniyan thi rasan main asseer.

                    Ammari bina naqe per thin sawar.

 

(12)   Jo teeron k uppar badan tha do(2) neem.

                    Kiya jis ne har haal shukre kareem.

                   Wohi hai jo dunya main zibh-e-azeem.

                   Hain jis k lie do jahan sog waar.

 

(13)   Sohail our musayyab ki hai ye dua.

                   Zamane ki nazron se parda utha.

                   Usse bhej de jo hai tujh main chupa.

                   Hai dunya ko jis ka bara intezaar.