Khuda ya audio file

 

Khuda ya bacha mera teen din ka piyasa hay

 

Ye qatal gah main zehra k lab pe noha hay

Khuda ya bacha mera teen din ka piyasa hay

 

Peshwai

 

ayan jo dasvin moharram ka aftaab hua

lahoo lahoo nazar ati thi karbala ki fiza

bapa thi khaimay main seydanion ki aho buka

macha hua tha har ek simt shor-e-wavela

jo apnay laal ko rooh-e-batool ne daikha

to baal khol k karnay lagi ye hi noha

Ye qatal gah main zehra k lab pe noha hay

Khuda ya bacha mera teen din ka piyasa hay

 

1:       sitam raseeda hon our ghum ki main sataai hon

          main khuld chor k piyasay se milnay aae hon

          bala k dasht main bacha mera akela hay

          Khuda ya bacha mera teen din ka piyasa hay

 

2:       ye mera laadla mujh ko bohat hi piyara hay

          sakoon-e-qalb hay ankhon ka meri tara hay

          qaraar behnon ka hay baap ka chaheeta hay

          Khuda ya bacha mera teen din ka piyasa hay

 

3:       rasool dosh pe issko bithaya kartay thay

          farishtay jhoolay ko iss k jhulaya kartay thay

          baray hi nazon se main ne to iss ko pala hay

          Khuda ya bacha mera teen din ka piyasa hay

 

4:       khata hi kiya hay bhala iss ki ye to batlao

          na chund paani k qatron se iss ko tarsao

          hay jurm kia jo issay zalimon ne ghera hay

          Khuda ya bacha mera teen din ka piyasa hay

5:       mayaan-e-dasht akela hay mera noor-e-nazar

          masaaeb itnay uthae hain jhuk gae hay kamar

          utha utha k ye medaan se lashay laya hay

          Khuda ya bacha mera teen din ka piyasa hay

 

6:       ae kalma goyo jafa karahe ho kiun iss par

          khuda k wastay maro na iss ko teer-o-tabar

          tumharay piyaray Muhammad ka ye nawasa hay

          Khuda ya bacha mera teen din ka piyasa hay

 

7:       faras pe hay na zameen par hay mera lakht-e-jigar

          laeen iss ki taraf bharta hay liye khanjar

          lahoo lahaan hay teeron pe mehway sajda hay

          Khuda ya bacha mera teen din ka piyasa hay

 

8:       zamany bhar main to dushwar hay ye hi ae shaqi

          k janwar ko bhi pehlay pilatay hain paani

          gala hay khushk churi jis pe tu chalata hay

          Khuda ya bacha mera teen din ka piyasa hay

 

9:       sohail our musayyab wo ghum zada maadar

          pisar pe chaltay hue daikhti rahi khanjar

          ye bain karti rahi imtihaan ye kesa hay

          Khuda ya bacha mera teen din ka piyasa hay