Ya Hussain audio file

Ya Hussain (a.s)ya mola

Chaar janib aada hain unn k darmian tanha

Waqt-e-assr maqtal main har shaheed kehta tha

Ya hussain ya mola ya hussain ya mola

1: al atash k nohay thay our qareeb tha darya

door tak na thay badal dhoop ka basera tha

mashk le k sahil par ek sipahi aya tha

bhai ho k bhi aqa shah ko wo kehta tha

martay dum bhi honton se uss k bus ye hi nikla

Ya hussain ya mola ya hussain ya mola

2: dasht main inn ankhon ne daikha ek ajab manzar

barchi khae seenay par sorahe thay peghamber

gir k farsh par jis ko dhoond te rahe sarwar

poochta koi kis ko dhoond te ho ae safdar

tum ye kehtay thay mola noor ankhon ka khoya

Ya hussain ya mola ya hussain ya mola

3: dil to hol jata tha rooh kaanp jati thi

sar zameen-e-maqtal par aik laash bikhri thi

iss tarhan se aada ne uss ki laash rondi thi

jis ko daikh kar qudrat khud bhi khoon bahati thi

jo tumharay bhai ki aik hi nishani tha

Ya hussain ya mola ya hussain ya mola

4: aik qabar hay run main jis ki khaak k nechay

nannhi zindagi soe teer-e-halq par khae

jis pe muskurahat ne bhi kiye bohat naalay

qabar main chupaya tha uss ko iss liye sheh ne

halq pehlay zakhmi hay sir na kaat le aada

Ya hussain ya mola ya hussain ya mola

5: sar zameen-e-karbal main kho gae hain wo heeray

sub k sub jo nasir thay run main shah-e-wala k

shah-e-deen k khaimay main unn k thay ye hi nohay

kaat laingay hum apnay halq apni taighon se

par watan na lotaingay chor kar tumhe tanha

Ya hussain ya mola ya hussain ya mola

6: baad-e-sheh k aengi deen ko mushkilain jub jub

Fatima ki beti k saat hoga deen-e-rub

Kesay runj jhelnaingi daikh le gi dunya sub

Our door jaengi ghar se hazrat-e-zainab

Tay karengay har rasta sham ho k ho koofa

Ya hussain ya mola ya hussain ya mola

7: sham run main hotay hi teen saal ki bachi

nanneh nanneh durr pehnay sue dasht jub pohnchi

chin gae wo durr uss k kaan hogae zakhmi

alkama k saahil par aik laash kaanp uthi

boli aaeye ammu aaeye meray baba

Ya hussain ya mola ya hussain ya mola

8: aya dasht main ammar ab wo khoon fishaan lamha

zibha hotay bhai ko daikhti thi ek behna

aandhiyan uthin utha rait ka ghubaar aesa

nok par sinaan ki phir aik sir nazar aya

deen naam leta hay ab bhi uss masiha ka

Ya hussain ya mola ya hussain ya mola