Faryad hai faryad audio file

Faryad hai faryad

Roro ke bayaa(n) karte the sayyed-e-abraar

Lo meri kamar tor gaya mera alamdaar

(Faryad hai faryad) x6

  1. Tar khu(n) mei alam mashk bhi, zakhmi hai jari ki
  2. Be bazu pari laash hai Zainab ke akhi ki

    Sayyedaniyo(n) ab apni ridao(n) se khabardaar

    (Faryad hai faryad) x4

  3. Akbar ho kahaa(n) uth ke sahaara mujhe dedo
  4. Ay Zainab-o-kulsum dilasa mujhe dedo

    Abbas ke marne se chali qalb pe talwaar

    (Faryad hai faryad) x4

  5. Sajjad hamara bhi khuda hafiz-o-nasir
  6. Ab baad-e-alamdaar hu(n) mei(n) jine se qasir

    Lashkar ho tumhi tumhi ho lashkar ke alamdar

    (Faryad hai faryad) x4

  7. Pardes mei ay bhaayi akelah mei chora
  8. Kyu(n) koh alam qalb-e-musafir mei hi tora

    Khush hote hai tanhaayi pe ab meri sitmaghaar

    (Faryad hai faryad) x4

  9. Maqtal se uthaayenga mera kon janaaza
  10. Tum saath na choroge kiya tha yahi wada

    Hone ko hai mazloom pe kuffar ke yalghaar

    (Faryad hai faryad) x4

  11. Ab kon madadgaar mere kunbe ka honga
  12. Ye tera bicharna meri jaa(n) leke rahenga

    Zindaan-e-gham-o-ranj mei bekas hai giriftaar

    (Faryad hai faryad) x4

  13. Ay bhaayi alamdar ye gham kaise uthenga
  14. Ab tere bina bhaayi tera kaise jiyenga

    Mere liye ik saans bhi lena huwa dushwaar

    (Faryad hai faryad) x4

  15. Razi ba "Raza" hazrat-e-shabbir ke phir bhi

"Rehan" lab-e-nehr sada gunj rahi thi

Abbas tere baad qayamat ke hai asaar

(Faryad hai faryad) x6