Rona Shabbir pe sunnat hai audio file

Rona Shabbir pe sunnat hai

mere ashko ki zamanay zara keemat kerna

gham-e-Shabbir main rona meri sunnat kerna

(Rona shabbir pay sunnat hai bayaa(n) kerta hoon) x3

  1. ummay salwa say riwaayat hai bayaa(n) kerta hoon
  2. (Rona shabbir pay sunnat hai bayaa(n) kerta hoon) x2

  3. apnay mehoob Muhammad ko haan dekha ik din
  4. Ghar main bethay thay ke aye wahan HUSSAIN o HASSAN

    godi lay ker unhain betaab Nabi hone lage

    baad Hamza kay pehli baar Nabi ronay lagay

    apnay Qasim kay liye bhi na aisa roya tha

    dono shezaado(n) ki khatir woh jaisa roya tha

    main Mohammad ki jo haalat hay bayaa(n) kerta hoon

    (Rona shabbir pay sunnat hai bayaa(n) kerta hoon) x2

  5. Mene poocha meri jaan kiya huwa Mehboob-e-Khuda
  6. Mujh say fermaya ke na pooch ay Umm-e-Salma

    Mene phir arz ki ay jaa(n) meri Allah ke Nabi

    aisi halat ne mene aap ki dekhi na kabhi

    Kiske ghum may yeh khoolay gaisoo hain aur ashq rawaa

    haye kiya baat hay kay sar per ammama na raha

    ani aaj kiya qiyaamut hay bayaa(n) kerta hoon

    (Rona shabbir pay sunnat hai bayaa(n) kerta hoon) x2

  7. Mujh say farmaane lage dekho ay Umm-e-Salma
  8. Yeh jo Matti hay isay kehtay hain sab karbobala

    haye ik roz wahan mera nawasa hoga

    Jaam-e-kauser ka yeh maliq wahan pyaasa hoga

    surkh ho jaye yeh matti to samjhna bibi

    meray Shabbir ki be juram Shahadut hogi

    Umm-e-Salma ye haqeeqat hay bayaa(n) kerta hoon

    (Rona shabbir pay sunnat hai bayaa(n) kerta hoon) x2

  9. ho ga tanha usse phir aakay laiyee ghayrenge
  10. us kay sukhay galay pay phir woh churi pherenge

    us ke sar kaat ke phir naizay pay uthaayenge

    mujhe Haider haye Zahra ko woh rulaayenge

    us ka sar naizay say neechay layee(n) utarenga

    ik najis hontoo pay us ko chari marega

    haye kaisi woh aziyyat hai bayaa(n) kerta hoon

    (Rona shabbir pay sunnat hai bayaa(n) kerta hoon) x2

  11. Umm-e-salma meray bachay ka sada gham kerna
  12. meri sunnat hay meray bachay ka matam kerna

    kis kay mernay say koi pehlay nahi rota hay

    mujhe Shabbir pay rone ka hukam hota hai

    meray ashko(n) ki zamanay zara keemat karna

    Gham-e-Shabbir pay rona meri sunnat kerna

    Yeh Muhammad ki wasiyyat hai bayaa(n) kerta hoon

  13. Umm-e-Salma yeh riwayyat teri sar aankho(n) par

Gham-e-Shabbir say sajay hain mominoo kay ghar

yeh sachi baat zamanay ko ham sunayenge

ta qiayamt yeh wasiyyat na hum bhulaayenge

aaj "Ramzaan-o-Raza" perhtay hain jin ke Nohay

kal ko aulaad hamari perhay in kay Nohay

is say zyaada kya ghanimat hay Bayaa(n) kerta hoon

(Rona shabbir pay sunnat hai bayaa(n) kerta hoon) x2