(Ahl-e-imaa(n) pay tera zuljanah ehsaan bara) x3

1. meray Syed kay saath saath tu mushkil main raha

(Ahl-e-imaa(n) pay tera zuljanah ehsaan bara) x2

2. Laagay jab teer baha khoon to zamee(n) pay gira

baad girnay kay koi teer na Syed ko laga

teer aye mager tu Sheh ki waha dhal bana

(Ahl-e-imaa(n) pay tera zuljanah ehsaan bara) x2

3. Tune Maula ko karbala mei hai tawaaf kiya

tu nay mazloom ki janib kise aane na diya

teero(n) ki barishain har zulm laeeno(n) ka saha

(Ahl-e-imaa(n) pay tera zuljanah ehsaan bara) x2

4. kabhi neze ki taraf jaye jahan sar tha para

kabhi Maula kay tan ka ban kay muhafiz hay khara

Zuljanah teri wafaa dekh rahi hay Zahra

(Ahl-e-imaa(n) pay tera zuljanah ehsaan bara) x2

5. kaan main koyi nida ayi to khaimo(n) ko chala

dekha Zainab ko Zuljanah nay tu pairo(n) pay gira

Bibi gamgheen ho aya hu(n) shah-e-dee(n) ke siwa

(Ahl-e-imaa(n) pay tera zuljanah ehsaan bara) x2

6. Atay dekha jo Sakina ko tu ik baat kahi

Tera baba gaya aur meri qayinaat gayi

Alvida keh kay Sakina ko zamanay say chala

(Ahl-e-imaa(n) pay tera zuljanah ehsaan bara) x2

7. Log kehtay hain kyu(n) ghoroo ko sajatay ho bhala

Chumtay ho inhain kyu haath lagatay ho bhala

hum tu "ramzan-o-raza" bholay nahi is ki wafa

(Ahl-e-imaa(n) pay tera zuljanah ehsaan bara) x2