Ahl-e-aza ka maqsad ho eid ya moharrram

(Matam) x6

Zinda rahe gi majlis zinda rahega matam

1. Ghar ghar mein hogi majlis harso alam uthen ge

Ansoon tumhaare gham mein mola sada bahen ge

Naam-e-khuda ki sorat reh jayega ye mosam

(Matam) x6

2. Andhi uthe ya tofaan baaqi agr hai Quraan

Saya figan rahe ga ye saibaan-e-yazdan

Alhamd ki sadayein kehti rahein gi peham

(Matam) x6

3. Farsh-e-aza nahin hai masnad hai Mustafa ki

Parcham ka ye pharera chadar hai sayeda ki

Farsh-e-aza ka zamin ghazi ka jab hai parcham

(Matam) x6

4. Matam to zindagi hai ik tarz-e-bandagi hai

Aanson tumhaare gham mein aankhon ki roshni hai

Kehte hain ambia sab eisa se taaba aadam

(Matam) x6

5. Bazo kata ke ghazi darya pe keh raha tha

Bedast hon to kya hai mola sada rahe ga

Palkeen hain hath meri chehra hai jay-e-matam

(Matam) x6

6. Bazo bandhe hoe the chadar nahin thi asr per

Darbar-e-shaam mein bhi dekha gaya ye manzar

Zalim se keh raha tha Bint-e-Ali a dam kham

(Matam) x6

7. Asgher ki muskurahat akbar ki noujawani

Maqatal mein keh rahi thi sun le ye fooj-e-shaami

Ta hashr ab rahe ga ban kar ye ism-e-aazam

(Matam) x6

8. "Tirmah" main hon Zaidi "Rehan Azmi" hai

Na khoon mein hai kharabi na ishq mein kami hai

Hogi namaz-e-matam nikle na jab talak dam

(Matam) x8