Aashoor kay din ka tu alamdaar audio file

Aashoor kay din ka tu alamdaar

Karti thi buka zainab-e-lachar, Abbas main sadmon main giraftar houn

(Aashoor kay din ka tu alamdaar, Main sham-e-gharabina ki alamdaar houn) x2

  1. Ham donon pay jo guzri ek jaisi museebat thi, Donon kay kalejay par ek jaisi qayamt thi, Tu nehr pay pani ka talabgar, Main dasht main chaadar ki talabgaar houn
  2. (Aashoor kay din ka tu alamdaar, Main sham-e-gharabina ki alamdaar houn) x2

  3. Do bazoo kiyee tu nay qurbal lab-e-darya, Do bachon say main nay bhi bhaai ka dia sadqa, Tu bali sakina ka tha ghamkhwaar, Or apnay baradar ki main ghamkwaar houn
  4. (Aashoor kay din ka tu alamdaar, Main sham-e-gharabina ki alamdaar houn) x2

  5. Hay taj e wafa teray sar par aey meray ghazi, Main sabr ki malka houn konain ki shahzadi, Tu fauj e hussaini ka tha salaar, Main kunba e shabbir ki salaar houn
  6. (Aashoor kay din ka tu alamdaar, Main sham-e-gharabina ki alamdaar houn) x2

  7. Be gor o kafan run main dekha hay baradar ko, Deti main kafan kaisey majboor thi chaadar ko, Tu shaaney kata kay hua lachaar, Paband-e-rasan hokay main laachar houn
  8. (Aashoor kay din ka tu alamdaar, Main sham-e-gharabina ki alamdaar houn) x2

  9. Tu shair yadullah ka beti houn main zehra ki, Ismat ki kali main houn tera hay laqab ghazi, Tu sibt-e-nabi ka tha madadgaar, Main aal-e-muhammad ki madadgaar houn
  10. (Aashoor kay din ka tu alamdaar, Main sham-e-gharabina ki alamdaar houn) x2

  11. Be taigh lara tu bhi paani ke liyee ghazi, Ab dasht main tanha hay khwahar teri faryadi, Tu hukm-e-shah e deen main giraftaar, Main targha e aada main giraftaar houn
  12. (Aashoor kay din ka tu alamdaar, Main sham-e-gharabina ki alamdaar houn) x2

  13. Hay teri wafadaari mashhoor zamaanay main, Hay kon meray jaisa majboor zamaanay main, Aey merey jari tu tha dilafgaar, Sadmon kay sabab main bhi dilafgaar houn
  14. (Aashoor kay din ka tu alamdaar, Main sham-e-gharabina ki alamdaar houn) x2

  15. Bhaai nay tujhay dedi lashkar ki alamdaari, Ab aal-e-muhammad ki karti houn main ghamkhwari, Tu lashkar-e-shabbir ka sardaar, Namoos e payamber ki main sardaar houn
  16. (Aashoor kay din ka tu alamdaar, Main sham-e-gharabina ki alamdaar houn) x2

  17. Tu ghairat e haashim hay main sabr ki malka houn, Tu saani e haider hay main saani e zehra houn, Tu meri rida ka tha nigahdaar, Ab ahl-e-haram ki main nigahdaar houn
  18. (Aashoor kay din ka tu alamdaar, Main sham-e-gharabina ki alamdaar houn) x2

  19. Safdar meri shahzadi ghazi say thi faryaadi, Hay shaam e gharibaan main be parda nabi zadi, Tu bhi hay meray gham main azadaar, Or main bhi terey gham main azadaar houn

(Aashoor kay din ka tu alamdaar, Main sham-e-gharabina ki alamdaar houn) x2