Jaao baba jaldi laut ana audio file

Jaao baba jaldi laut ana

Rakh kay sar seena e sarwar pay sakina boli, Chor kar ammu gaey or gaey sab bhaai, Ab na mera sabr azmana

(Jaao baba jaldi laut ana) x2

  1. Bad apkey hamain ye ashqia sataaen gey, Main kisey bulaaon gi gohar jo cheeney jaaen gey, Ye laeen jalaaen gey hamarey khaima gah bhi, Aap agar na aaey to ye mujh pay zulm dhaaen gey, Seh nahi sakon gi tazyana
  2. (Jaao baba jaldi laut ana) x4

  3. Janti houn main ke sakht aap ka hay imtehan, Aap be watan ghareeb tashna lab hain baba jan, Kar rahi houn main dua khuda ki bargah main, Jarahey hain aap jo sitam garon ke darmian, Hogia hay sangdil zamana
  4. (Jaao baba jaldi laut ana) x4

  5. Keh gaey they ammu jan run say laut aaen gey, Pani merey wastey wo alqama say laaen gey, Itnay zakhm dil pay seh kay kis tarha jion gi main, Tanha chor kar mujhey ab aap run ko jaaen gey, Kis qadar katthin hay gham chupana
  6. (Jaao baba jaldi laut ana) x4

  7. Der hogai jo aap ko to kia karoon gi main, Aap ke beghair raat ko na so sakoon gi main, Aap jo na aaey or ghar main raat hogai, Be qarar aap or be sukoon rahoon gi main, Jakey run main na mujhey bhulana
  8. (Jaao baba jaldi laut ana) x4

  9. Hay ajeeb waqt kaisey aap ko juda karoon, Kaisey aap ko main baba jan alwida kahoon, Marzi-e-khuda ke samney zaban band hay, Dil magar ye kehraha hay aap ko main rok loun, Hay naseeb main ye gham uthana
  10. (Jaao baba jaldi laut ana) x4

  11. Zalimon ko is qadar hay dushmani kioon aap say, Band kardiyee hain karbala ka sarey rastey, Pehrey itney sakht kardiyee lab-e-furat par, Fauj-e-ashqia khari hay alqama ke samney, Pani merey wastey na lana
  12. (Jaao baba jaldi laut ana) x4

  13. Janti houn tashnagi say khusk hay mera gala, Garm hay hawa sulag rahi hay raig-e-karbala, Merey jan nisar sarey run main jakey sogaey, Mera dasht main hay kon sirf aap ke siwa, Meri tashnagi ko bhool jana
  14. (Jaao baba jaldi laut ana) x4

  15. Kaisey aap ki madad karoun mujhay bataiyee, Baba aap tanha fauj-e-sham main na jaaiyee, Subh say gia jo run main laut kar na aasaka, Aap laut aaey gey mujhey yaqeen dilayee, Ya mujhay bhi run main tum bulana
  16. (Jaao baba jaldi laut ana) x4

  17. Derahi houn aap ko khuda ki main panah main, Aanch aaey koi aap par na qatl gah main, Haath jor kar ye arz kar rahi houn baba jan, Run main aap hon jahan rahain meri nigah main, Door na meri nazar say jana
  18. (Jaao baba jaldi laut ana) x4

  19. Safdar-e-hazeen ye bain sunkay shah e behr o bar, Boley waqt-e-imtehan hay shahzadi sabr kar, Run ko jaraha hay tashna lab ghareeb be khata, Aey sakina laut kar na aaey ga tera padar, Ab na kehkay tu mujhay rulana

(Jaao baba jaldi laut ana) x4