Lo suey sham chala qafila audio file

Lo suey sham chala qafila

(Pehney zanjeer chala sarban) x2 Saath zainab bhi chali be rida

(Lo suey sham chala qafila) x4

  1. Hokay paband-e-rasan jatay hay be aas haram, Kia kahen kis say kahen dil pay uthaaey jo sitam, Sar barehna sooey bazar chali aal-e-nabi, Haaey afsos kay kar bhi naheen saktey matam
  2. (Pehney zanjeer chala sarban) x2 Saath zainab bhi chali be rida (Lo suey sham chala qafila) x4

  3. Hay qiamat ki tapish jalti zameen garm hawa, Na amari na kajawa na saron par saya, Taazianon ki dukhan faqa kashi khak basar, Rah dushwar hay kanton say bhara hay rasta
  4. (Pehney zanjeer chala sarban) x2 Saath zainab bhi chali be rida (Lo suey sham chala qafila) x4

  5. Qasim o akbar o abbas e alamdar naheen, Koi aulad-e-payambar ka madadgar naheen, Nargha-e-ahl e sitam main hay nabi ka kunba, Koi hamdard naheen moonis o gham khwar naheen
  6. (Pehney zanjeer chala sarban) x2 Saath zainab bhi chali be rida (Lo suey sham chala qafila) x4

  7. Lut gia karb o bala main shah-e-mazloom ka ghar, Jal chukay khaimey hooen aal-e-nabi be chadar, Qafila jata hay ab sham kay bazaron main, Haaey kis haal main jatey hain haram nauha gar
  8. (Pehney zanjeer chala sarban) x2 Saath zainab bhi chali be rida (Lo suey sham chala qafila) x4

  9. Be watan tashna dahan kushta-e-gham jatey hain, Dil pay sehtay hoey aada kay sitam jatey hain, Be ridaai ka hay gham dil main hay sadmon ki chubhan, Khak uratay hoey sab ahl-e-haram jatey hain
  10. (Pehney zanjeer chala sarban) x2 Saath zainab bhi chali be rida (Lo suey sham chala qafila) x4

  11. Qatl waris hoey saman-e-giraftari hay, Sar barehna sooey bazar safar jari hay, Bain kartey hain haram kartey hain aah o zari, Ya ali aaiyee ab waqt e madadgari hay
  12. (Pehney zanjeer chala sarban) x2 Saath zainab bhi chali be rida (Lo suey sham chala qafila) x4

  13. Koi saya na hawa or hay garmi ka safar, Ye wo din hay kay parinday bhi naheen chortay ghar, Sar pay sooraj ki tapish aag ugalti hay zameen, Saath bachon ko liyee jatey hain sadaat magar
  14. (Pehney zanjeer chala sarban) x2 Saath zainab bhi chali be rida (Lo suey sham chala qafila) x4

  15. Har qadam taza sitam ranj o alam dar badari, Be ridaai be kasi zakhm-e-jigar tashna labi, Haaey taqdeer nay ye waqt dikhaya kaisa, Qaid e gham daagh-e-aseeri be basi be watani
  16. (Pehney zanjeer chala sarban) x2 Saath zainab bhi chali be rida (Lo suey sham chala qafila) x4

  17. Aasif e khasta jigar kaisey bayan ho ye safar, Bain qirtas pay karta hay qalam bhi rokar, Dil tarapta hay mera aankh say behta hay lahoo, Jab bhi aatey hain ye alfaz merey honton par

(Pehney zanjeer chala sarban) x2 Saath zainab bhi chali be rida (Lo suey sham chala qafila) x4