Sehra ali akbar audio file

Sehra ali akbar

Poncha jo sar e karbo bala qasid-e-sughra, Khat fatima sughra ka shah-e-deen ko jo sonpa, Phir dast-e-adab jor kay shabbir say bola, Sughra nay zabani bhi ye pegham diya tha, Qasid merey baba say ye kehna (Sughra ka ye arman hay baba) x2

(Sehra ali akbar kay sajana) x3 Sughra ka ye arman hay baba, Sehra ali akbar kay sajana

  1. Qasid merey baba say ye kehna kay khudara, Akbar kay bina kaisey bhala hoga guzara, Bas hoga ye bimar pay ahsan tumhara, Bimar ki sanson ko barhana
  2. (Sehra ali akbar kay sajana) x2 Sughra ka ye arman hay baba, Sehra ali akbar kay sajana

  3. Qasid merey baba ko sunana meri batain, Akbar ki ziarat ko tarasti hain nigahain, Arman nikalon gi main lay lay kay balaaen, Khat bhej kay jab mujh ko bulana
  4. (Sehra ali akbar kay sajana) x2 Sughra ka ye arman hay baba, Sehra ali akbar kay sajana

  5. Qasid ye unhain haal batadijio mera, Jab raat ki aghosh main sojati hay sughra, Khwabon main baradar ka sajati houn main sehra, In khwabon ki tabeer dikhana
  6. (Sehra ali akbar kay sajana) x2 Sughra ka ye arman hay baba, Sehra ali akbar kay sajana

  7. Qasid ye batadena unhain aap ki beti, Darwazey pay rakhti hay umeedon kay diyey bhi, Ashkon ki racha leti hay in haathon pay mehndi, Bekar na ho mehndi rachana
  8. (Sehra ali akbar kay sajana) x2 Sughra ka ye arman hay baba, Sehra ali akbar kay sajana

  9. Qasid merey baba ko batadena qasam hay, Kuch der ki mehman houn ab honton pay dam hay, Pardes main akbar hay isi baat ka gham hay, Jeeney ka hay bas aik bahana
  10. (Sehra ali akbar kay sajana) x2 Sughra ka ye arman hay baba, Sehra ali akbar kay sajana

  11. Qasid merey baba ko batadena ye jakar, Karti houn musalley pay dua haath utha kar, Aey merey masiha merey zakhmon ki dawakar, Poochey jo dawa tu ye batana
  12. (Sehra ali akbar kay sajana) x2 Sughra ka ye arman hay baba, Sehra ali akbar kay sajana

  13. Qasid ye batadena tarapti hay ye dukhtar, Tanhaai main rodeti hay ye soch kay aksar, Kia biaah main mujh ko na bulaaen gey baradar, Is dil ki khalish tum hi mitana
  14. (Sehra ali akbar kay sajana) x2 Sughra ka ye arman hay baba, Sehra ali akbar kay sajana

  15. Sughra ka ye pegham hua khatm jo safdar, qasid say ye farmaney lagay sibt-e-payambar, Tu apni nigaahon say ye sab dekhlay manzar, Mushkil hay watan laut kay ana
  16. (Sehra ali akbar kay sajana) x2 Sughra ka ye arman hay baba, Sehra ali akbar kay sajana

  17. Qasid meri sughra ko batana kay bhara ghar, Ek roz main barbad hua dasht main aakar, Seeney pay sina kha kay sidharey ali akbar, Qismat main na tha sehra sajana

(Qasid meri sughra ko batana) x6