Suno suno audio file

Suno suno

(Suno suno aey madinay walo bashir ye kia suna raha hay) x3

  1. (Suno suno aey madinay walo bashir ye kia suna raha hay) x2 Bashir ye kia suna raha hay, Luta hua qafila nabi ka woh dekho yasrab main araha hay,
  2. (Suno suno aey madinay walo bashir ye kia suna raha hay) x2

  3. Safar ki gard-o-ghubar sar par shikasta dil sogwar aaey, Luta kay pardes main bhara ghar (rasool kay pursa dar aaey) x2 Ye shor-e-matam ye shor-e-girya nabi ka roza hila raha hay
  4. (Suno suno aey madinay walo bashir ye kia suna raha hay) x2

  5. Hain kushta-e-gham nigaahen pur nam labon pay faryad kar kay matam,Na lashkar-e-shah saath aya (na saath abbas ka hay parcham) x2 Ujar kay aaen hain ye watan ko haram ka chehra bata raha hay
  6. (Suno suno aey madinay walo bashir ye kia suna raha hay) x2

  7. Galon main shal-e-aza hay sab kay sabhi kay chehron say gham ayan hay, Na janay kia kia sitam uhtaaey (haram ki aankhon say khoun rawan hay) x2 Ajeeb haalat hay bibion ki na janey kia yad araha hay
  8. (Suno suno aey madinay walo bashir ye kia suna raha hay) x2

  9. Hay gham zada maan hay us jawan ki sinaan kalejey pay jis nay khaai, Bikhar gia ran main jis ka sehra (jisay jawani na raas aai) x2 Ye madar-e-nojawan ka nauha haram main mehshar utha raha hay
  10. (Suno suno aey madinay walo bashir ye kia suna raha hay) x2

  11. Labon pay bano kay ye bayan hay haey mera tashna dahan kahan hay, Main kaisey saaey main jaaon logo (kay dhoop main mera be zaban hay) x2 Hay us ka karb-o-bala main lasha ye mujh ko sadma sata raha hay
  12. (Suno suno aey madinay walo bashir ye kia suna raha hay) x2

  13. Ye bain karti hain umm e farwa hua hay tukray mera kaleja, Jo merey qasim ki laash aai (tha aik ghatri main us ka lasha) x2 Hua tha pamal karbala main mujhay yahi gham rula raha hay
  14. (Suno suno aey madinay walo bashir ye kia suna raha hay) x2

  15. Ali ki beti ka haal dekho rasan kay shanon pay neel laaey, Nabi kay rozay pay gham raseeda (tarap kay deti hay ye duhaai) x2 Ujar gia ghar ujar gai main mera jigar tharthra raha hay
  16. (Suno suno aey madinay walo bashir ye kia suna raha hay) x2

  17. Ye bain karti hain rokay zainab hay yad karb-o-bala ka manzar, Meray baradar kay halq par jo (rawan tha shimr-e-laeen ka khanjar) x2 Youn lag raha hay shimr ab tak galey pay khanjar chala raha hay
  18. (Suno suno aey madinay walo bashir ye kia suna raha hay) x2

  19. Bapa madeenay main thee qiamat ye bain ahl-e-haram kay sunkar, Bichha tha ghar ghar main farsh-e-matam (labon pay sab kay buka thi safdar) x2 Hussain mazloom ka luta ghar haram kay daaman main kia raha hay

(Suno suno aey madinay walo bashir ye kia suna raha hay) x2