Aai zainab ki sada audio file

Aai zainab ki sada

Ghar say jab behr-e-safar syed-e-aalam niklay

Sar chhupaaey huey ba deeda-e-pur nam niklay

Bandh kay bahar niklay

Rokay farmatay thay is shahr say ab ham niklay

Raat ye girya-e-zehra ki sada aati hay

Dekhay qismat hamain kis dasht main lejati hay

Ghar say jab behr-e-safar syed-e-aalam niklay

Aai zainab ki sada maan khuda hafiz nana khuda hafiz

Ek syed ka madinay say chala qafila

Aai zainab ki sada maan khuda hafiz nana khuda hafiz

  1. (Aaj shabbir musafir say watan chhoot gaya, Haaey ghurbat ka safar dil ka sukoon loot gaya) x2
  2. Thaam kay qalb-e-jigar haaey karay ye buka

    Deejeay mujh ko dua maan khuda hafiz nana khuda hafiz

    (Aai zainab ki sada maan khuda hafiz nana khuda hafiz) x2

  3. (Bhaai kay saath yehi azm hay main nay bhi kiya, Ghar rahay ya na rahay baqi rahay deen -e- khuda) x2
  4. Baand kay sar say kafan niklay shah-e-karbala

    Hay yahi lab pay sada maan khuda hafiz nana khuda hafiz

    Aai zainab ki sada maan khuda hafiz nana khuda hafiz

  5. (Haaey shabbir kay kunbay ki khuda khair karay, Or sadaat kay parday ki khuda khair karay) x2
  6. Ho sitam laakh magar sar pay rahay ye rida

    Bas yahi karna dua maan khuda hafiz nana khuda hafiz

    (Aai zainab ki sada maan khuda hafiz nana khuda hafiz) x2

  7. (Door ek pal bhi na houn mujh say shehansha-e-umam, Jee naheen paaongi main aon o muhammad ki qasam) x2
  8. Bhaai kay baad to ban jaaeyga jeena saza

    Na ho mujh par ye jafa maan khuda hafiz nana khuda hafiz

    (Aai zainab ki sada maan khuda hafiz nana khuda hafiz) x2

  9. (Ham to marnay kay liyee ghar say sooey dasht chaley, Aap kay rozey pay ab sughra jalaaey gi diay) x2
  10. Aap raazi rahain raazi rahay ham say khuda

    Kuch naheen is kay siwa maan khuda hafiz nana khuda hafiz

    (Aai zainab ki sada maan khuda hafiz nana khuda hafiz) x2

  11. (Baad baba kay koi din na sukoon say guzra, Haaey ummat nay hamain chain say jeenay na diya) x2
  12. Hurmat-e-deen bachanay ko chala qafila

    Janib-e-karb-o-bala maan khuda hafiz nana khuda hafiz

    (Aai zainab ki sada maan khuda hafiz nana khuda hafiz) x2

  13. Kon sa jurm hay jis ki ye saza paaey hay, Jo ye sadaat pay mushkil ki ghari aayi hay) x2
  14. Chhor kay ghar ko chaley ahl e haram be khata

    Bhaai rota hay mera maan khuda hafiz nana khuda hafiz

    (Aai zainab ki sada maan khuda hafiz nana khuda hafiz) x2

  15. (Waqt "safdar" ye qayamat ka para zainab par, Ashk aankhon main thay or bain yahi thay lab par) x2

Haaey ummat nay dia kaisa ye hamko sila

Hogaey tum say juda maan khuda hafiz nana khuda hafiz

(Aai zainab ki sada maan khuda hafiz nana khuda hafiz) x2