Karta tha ban main bayn

Zehra kay dil ka chayn

Sab qatl ho chukay hain

Maqtal main noor-e-ain

(Ab kya jiyey Hussain) x2

(Haaye lut gaya dil ka chain, Ab kya jiyey hussain) x3

1. Amman amman amman

Aey amman in aankhon nay maqtal main kia kia dekha

Ghazi kay dekhay shaaney akbar ka dekha laasha

Ghurbat main main nay dekha qasim ka bikhra sehra

(Haaye lut gaya dil ka chain, Ab kya jiyey hussain) x2

2. Amman amman amman

Aey amman meray ghar pay ye kaisi aafat aai

Roti hay dekho mujh par maqtal ki ye tanhaai

Na koi beta baqi na baqi koi bhaai

(Haaye lut gaya dil ka chain, Ab kya jiyey hussain) x2

3. Amman amman amman

Sehra main dekho amman laashay hain sab ka besar

Woh dekho hur ka laasha woh dekho laash-e-akbar

Chhoti si ek turbat main sota hay mera asghar

(Haaye lut gaya dil ka chain, Ab kya jiyey hussain) x2

4. Amman amman amman

Khaymon main jakar dekho apnay kunbay ka nauha

Woh chotay chotay bachay haathon main lekar kooza

Kartay hain jab wo nauha rota hay un par darya

(Haaye lut gaya dil ka chain, Ab kya jiyey hussain) x2

5. Amman amman amman

Kehta hay dil ye mera ajaaen baba haider

Piaasay ka hamla dekhain nana bhi meray aakar

Baqi bas ek sajda hay or woh bhi zair-e-khanjar

(Haaye lut gaya dil ka chain, Ab kya jiyey hussain) x2

6. Amman amman amman

"Safdar" jo meray maula kartay thay ban main nauha

Kaisay main likhoun haaey jab rowi bibi zehra

Zair-e-khanjar ye shah ka maqtal main nauha goonja

(Haaye lut gaya dil ka chain, Ab kya jiyey hussain) x2

Amman, amman