Aik taraf pyaason audio file

Aik taraf pyaason

Karbala nay baain kiyee wa musibata

Lut gaya meri zameen par qafila shabbir ka

Meray khuda aey meray khuda

Tu dekh zara ye zulm hay kaisa

(Aik taraf pyaason kay khaimey aik taraf behta hay darya) x3

  1. Khoon say bhara ye dasht hay sara
  2. Koi naheen maula ka sahaara

    Jalti zameen par beth gaey hain

    Dil ko naheen ab zabt ka yara

    Meray khuda aey meray khuda tu dekh zara ye zulm hay kaisa

    Aik taraf hay zulm ka lashkar aik taraf tanha hay piaasa

    (Aik taraf pyaason kay khaimey aik taraf behta hay darya) x2

  3. Kis ko sadade kis ko bulaaen
  4. Kon hay jo imdaad ko aaey

    Bint e ali ye dekh kay manzar

    Peet kay sar kehti hain haaey

    Meray khuda aey meray khuda tu dekh zara ye zulm hay kaisa

    Aik taraf bhaai ki zaeefi aik taraf akbar ka laasha

    (Aik taraf pyaason kay khaimey aik taraf behta hay darya) x2

  5. Dasht main tanha mera baradar
  6. Laashon say khata hay thokar

    Kon sahara day piyaasay ko

    Waqt e museebat hay bhaai par

    Meray khuda aey meray khuda tu dekh zara ye zulm hay kaisa

    Aik taraf abbas ki mayyat aik taraf qasim ka saraapa

    (Aik taraf pyaason kay khaimey aik taraf behta hay darya) x2

  7. Kaisi pari hay aaj museebat
  8. Chalnay naheen deti hay naqahat

    Beta gia beenaai sidhaari

    Us pay sitam hay piaas ki shiddat

    Meray khuda aey meray khuda tu dekh zara ye zulm hay kaisa

    Aik taraf mazloom baradar aik taraf hay fauj e aada

    (Aik taraf pyaason kay khaimey aik taraf behta hay darya) x2

  9. Us pay masaaib toot rahay hain
  10. Jis ka sukoon gham loot chukay hain

    Jin say bari umeed bandhi thee

    Un ka janazay ban main paray hain

    Meray khuda aey meray khuda tu dekh zara ye zulm hay kaisa

    Aik taraf ummat kay sitam hain aik taraf ahmed ka nawasa

    (Aik taraf pyaason kay khaimey aik taraf behta hay darya) x2

  11. Jis ko kahain quran ka khulasa
  12. Us kay lahoo ka dasht hay piaasa

    Hain kitnay sangdil ye musalman

    Rahm naheen khatay jo zara sa

    Meray khuda aey meray khuda tu dekh zara ye zulm hay kaisa

    Aik taraf hay sibt e payambar aik taraf be dard zamana

    (Aik taraf pyaason kay khaimey aik taraf behta hay darya) x2

  13. Bain sunay jab karb o bala kay

Ronay laga "safdar" bhi suna kay

Qalb tarap jata hay mera

Sun kay masaaib aal e aba kay

Meray khuda aey meray khuda tu dekh zara ye zulm hay kaisa

Aik taraf aulad e umayya aik taraf zehra ka piaara

(Aik taraf pyaason kay khaimey aik taraf behta hay darya) x2