(Bibian aaen khulay sar naheen dekha jata) x2

(Dekh kar zainab o kulsoom ko be chadar) x2

(Ek nezay pay sar-e-sayyeda-e-mazloom roya, Ek nezay say gira hazrat e abbas ka sar) x2

1. Ek saqqaey sakina hay alamdar e wafa

Ek hain sayyed-e-mazloom shah e karb o bala

Sabr kartay rahay har gaam pay dono hi magar

Seh naheen paaey kalejay pay ye gham ka lamha

(Aal e athaar jo dekha jo barehna sar) x2

(Ek nezay pay sar-e-sayyeda-e-mazloom roya, Ek nezay say gira hazrat e abbas ka sar) x2

2. Dard or gham say ibarat hay safar zainab ka

Pusht zakhmi hui zakhmi tha jigar zainab ka

Log baghi ki behan keh kay bulatay thay usay

Qalb rota tha udhar sheh ka edhar zainab ka

(Haaey baalon ko giraya jonhi chehray par) x2

(Ek nezay pay sar-e-sayyeda-e-mazloom roya, Ek nezay say gira hazrat e abbas ka sar) x2

3. Qaid hokar jo sooey shaam chali aal e nabi

Haal us waqt ka sajjad say pooche to koi

Haath paband e rasan zakhmi jigar lab pay buka

Bain karti thi nabi zadiaan hanstay thay shaqi

(Nok e neza say chhini raah main jab chadar) x2

(Ek nezay pay sar-e-sayyeda-e-mazloom roya, Ek nezay say gira hazrat e abbas ka sar) x2

4. Dhoop hay tapti qiamat ka safar haaey sitam

Tifl gir gir kay sidharay jo na seh paaey sitam

Raah main thak kay jo bethay to rasan kheenchi gai

Haaey aada nay aseeron pay bohat dhaaey sitam

(Shor utha jo sakina kay tamanchon par) x2

(Ek nezay pay sar-e-sayyeda-e-mazloom roya, Ek nezay say gira hazrat e abbas ka sar) x2

5. Sham kay log tamashaai khulay sar zainab

Haaey wo zakhm uthati thi jigar par zainab

Raah main mil na saka aik sukoon ka lamha

Hain sitam laakh magar ek dil e muztar zainab

(Nam shehzadi ka aya jo zabanon par) x2

(Ek nezay pay sar-e-sayyeda-e-mazloom roya, Ek nezay say gira hazrat e abbas ka sar) x2

6. Waqt aisa bhi muqaddar nay unhain dikhlaya

Haakim e shaam ka paigham sitamgar laya

Kaash ajaaey qaza rokay kaha zainab nay

Meri bachhi ko kaneezi kay liyee bulwaya

(Ye sitam dekha jo masoom sakina par)

(Ek nezay pay sar-e-sayyeda-e-mazloom roya, Ek nezay say gira hazrat e abbas ka sar) x2

7. Bayn aisey thay kay darbar e sitam goonj utha

Jab ye darbaar main be deen sitamgar bola

Naam saadaat kay aey syed e sajjad bata

Kon hain zainab e dilgeer main dekhoun to zara

(Roey sajjad jo zaalim ka bayan sunkar) x2

(Ek nezay pay sar-e-sayyeda-e-mazloom roya, Ek nezay say gira hazrat e abbas ka sar) x2

8. Dekh sakta hay bhala kon ye manzar logo

Maaen behnain hon sar e raah khulay sar logo

Ye stiam raah main sehtay rahay sajjad magar

Lut gaya jis ka sar e dasht e bala ghar logo

(Haaey us say bhi na dekha ye gia manzar) x2

(Ek nezay pay sar-e-sayyeda-e-mazloom roya, Ek nezay say gira hazrat e abbas ka sar) x2

9. Aankh say betha hay ashkon ka samandar haaey

Kaisey likhay ye qalam shaam ka manzar haaey

Thi qyamat ki ghari ahl e haram pay "safdar"

Aaey jo majma e aada main khulay sar haaey

(Dekh kar zainab o kulsoom ko be chadar) x2

(Ek nezay pay sar-e-sayyeda-e-mazloom roya, Ek nezay say gira hazrat e abbas ka sar) x2