Aey imam e Raza aap ko wasta aap ki khawahar bibi masooma e qum ka

Jo aap kay firaaq main dunya say guzar gaen

Aey farzand e rasool e khuda aap hamari sifarish karwaaen

Allah ki baargah main allah ki bargah main

Aey imam e raza aey imam e raza

(Meray mola raza meri sunlay sada, Teray dar pay gada hai ye sara jahan) x3 Shah-e-khurasan waris e quran markaz e imaan

1. Teray darbar say mayoos koi jata naheen

Teray darbar main hota hay sawali ko yaqeen

Ab tu dikhadega koi mojiza

(Meray mola raza meri sunlay sada, Teray dar pay gada hai ye sara jahan) x2 Shah-e-khurasan waris e quran markaz e imaan

2. Aas umeed dua sab ka bharam ghar hay tera

Teri dehleez pay jab aakay qadam us nay rakha

Mil gai beemar ko gham ki dawa

(Meray mola raza meri sunlay sada, Teray dar pay gada hai ye sara jahan) x2 Shah-e-khurasan waris e quran markaz e imaan

3. Kon mohtaj ko karta hay ghani teray siwa

Kon aisa hay sakhi ibn-e-sakhi teray siwa

Kehtay hain tujh ko shah-e-uqda kusha

(Meray mola raza meri sunlay sada, Teray dar pay gada hai ye sara jahan) x2 Shah-e-khurasan waris e quran markaz e imaan

4. Paas hay teray hi qudrat kay khazanon ka pata

Jo teray dar say gaya jholiaan bhar bhar kay giya

Jab dia auqat say barh kar dia

(Meray mola raza meri sunlay sada, Teray dar pay gada hai ye sara jahan) x2 Shah-e-khurasan waris e quran markaz e imaan

5. Main nay mana tera mujrim houn gunahgar houn main

Fatima zehra kay bachon ka azadar houn main

Day mujhay hasnain ka sadqa zara

(Meray mola raza meri sunlay sada, Teray dar pay gada hai ye sara jahan) x2 Shah-e-khurasan waris e quran markaz e imaan

6. Haal seenon ka teri aankh say poshida naheen

Dekh ye dast-e-talab dekh ye sajday main jabeen

Sunlay azadaron kay dil ki dua

(Meray mola raza meri sunlay sada, Teray dar pay gada hai ye sara jahan) x2 Shah-e-khurasan waris e quran markaz e imaan

7. Teri chokhat pay gaya jo bhi sawali maula

Woh naheen aya kabhi laut kay khali maula

Jo bhi mila bas teray dar say mila

(Meray mola raza meri sunlay sada, Teray dar pay gada hai ye sara jahan) x2 Shah-e-khurasan waris e quran markaz e imaan

8. Tu hi imaan bhi hay markaz-e-imaan bhi hay

Waris-e-ilm e nabi waris-e-quran bhi hay

Ilm o hunar tu hamain karday ata

(Meray mola raza meri sunlay sada, Teray dar pay gada hai ye sara jahan) x2 Shah-e-khurasan waris e quran markaz e imaan

9. Wasta aap ko zainab ki rida ka maula

Wasta aap ko hay aal-e-aba ka maula

Ranj say mehfooz rahe ghar mera

(Meray mola raza meri sunlay sada, Teray dar pay gada hai ye sara jahan) x2 Shah-e-khurasan waris e quran markaz e imaan

10. Karbala aam ho ghar ghar main bichay farsh-e-aza

Aaey har ek dar-o-deewar say matam ki sada

Wasta tujh ko shah-e-mazloom ka

(Meray mola raza meri sunlay sada, Teray dar pay gada hai ye sara jahan) x2 Shah-e-khurasan waris e quran markaz e imaan

11. Yaad hay shaam kay bazar ka dushwar safar

Sar khulay aal-e-nabi roti rahi thaam-e-jigar

Behr-e-aseeran-e-bala sun dua

(Meray mola raza meri sunlay sada, Teray dar pay gada hai ye sara jahan) x2 Shah-e-khurasan waris e quran markaz e imaan

12. Teray darbar main "safdar" yahi karta hay dua

Mera marna ho aza or mera jeena ho aza

Karta rahoon ajr-e-risalat ada

(Meray mola raza meri sunlay sada, Teray dar pay gada hai ye sara jahan) x2 Shah-e-khurasan waris e quran markaz e imaan

Ya abal hassan, ya Ali ibn-e-Musa, ayyuhar-riza yabn-e-rasoolillah, ya hujjatallahi ala khalqi, ya sayyedana wa mawlana, inna tawaj-jahna was tash fa'na wa ta was-sal na bika ilallah, wa qaddamna kabayna yadaay haajatina