(Jis dar pay nabion nay sar ko jhukaaya) x2

Saaray jahan main ye dar hay aisa

Ahl-e-aza mil kay maango duaaen

(Maango duaaen maango duaaen Darbaar hay bint-e-khair un nisa ka) x2

1. Darbaar jaisa hay bint-e-ali ka

Tha koi pehlay na ab hay na hoga

Qudsi bhi is dar pay kartay hain sajda

Khaati hay dunya isi dar ka sadqa

Quraan main hukm hay kibrya ka

(Maango duaaen maango duaaen Darbaar hay bint-e-khair un nisa ka) x2

2. Chahey kisi ko qalandar bana day

Muflis ko ye dar tawangar bana day

Qatray ko ye dar samandar bana day

Behtar ko behtar say behtar bana day

Ye dar barhata hay rutba dua ka

(Maango duaaen maango duaaen Darbaar hay bint-e-khair un nisa ka) x2

3. Nabion nay paai nabuwat yaha say

Ye dar to afzal hay kon o makaan say

Walion ko mansab milay hain kahan say

Ye baat poocho zameen aasmaan say

Ye dar waseel hay rab ki ata ka

(Maango duaaen maango duaaen Darbaar hay bint-e-khair un nisa ka) x2

4. Day baadshahi faqeeron ko ye dar

Day day rihaai aseeron ko ye dar

Day aasra dastageeron ko ye dar

Paaley jahan kay amiron ko ye dar

Samjo kay darbaar hay ye khuda ka

(Maango duaaen maango duaaen Darbaar hay bint-e-khair un nisa ka) x2

5. Is dar say maango sakina ka sadqa

Ghazi kay dast-e-bureeda ka sadqa

Beemar o be kas maseeha ka sadqa

Qasim ka akbar ka sughra ka sadqa

Gar chahtay ho safar karbala ka

(Maango duaaen maango duaaen Darbaar hay bint-e-khair un nisa ka) x2

6. Paao gey zehra ka bachon ka sadqa

Is dar say milta hay piason ka sadqa

Sookhay huey chand koozon ka sadqa

Tashna dahan or aseeron ka sadqa

Rakhna dua main waseela rida ka

(Maango duaaen maango duaaen Darbaar hay bint-e-khair un nisa ka) x2

7. Is dar ka adna sa naukar hay safdar

Sajday isi dar pay karta hay jaakar

Saarey malangon ka kaaba hay ye dar

Sar ko jhukaatay hain saarey hi qalandar

Ye dar samandar hay jood o sakha ka

(Maango duaaen maango duaaen Darbaar hay bint-e-khair un nisa ka) x2