Pohanch kay maqtal-e-shabbir pay kia nauha

Ali ki beti nay bhaai ki qabr pay ye kaha

Ujar kay jaatay hain nana kay shahr aey bhayya

Nazar jo fizza ko aya rasool ka rauza

Lipat kay saani-e-zehra say ro pari fizza

Fizza nay kaha shehzaadi

Le dekhle zara tera deys agaya

(Fizza nay kaha shehzaadi, Le dekhle zara tera deys agaya) x2

1. Mil jaaey gi ab chaadar ab khaak na hogi sar par

Le dekhle zara tera deys agaya

Fizza nay kaha shehzaadi, Le dekhle zara tera deys agaya

2. Ek saal kata qaidi ban kar ab tujh ko mili hay azaadi

Har zakhm dikha maan zehra ko har baat bata syed zaadi

Zakhmon ka milay ga marham ji khol kay karna matam

Le dekhle zara tera deys agaya

Fizza nay kaha shehzaadi, Le dekhle zara tera deys agaya

3. Pardes main kia kia zulm huey kion neel rasan kay laai hay

Kia beet gai teray dil per kis gham main zaeefi chhaai hay

Jab qabr-e-nabi par jaana woh dard unhain batlaana

Le dekhle zara tera deys agaya

Fizza nay kaha shehzaadi, Le dekhle zara tera deys agaya

4. Bhaai ki kamar tooti kionkar kion dasht main woh be aas hua

Kia tujh pay qiaamat guzri thi jab qatl tera abbas hua

Jab aaey maan ghaazi ki rudaad sunana bibi

Le dekhle zara tera deys agaya

Fizza nay kaha shehzaadi, Le dekhle zara tera deys agaya

5. Pala tha jisay beton ki tarha kehti thi jisay ham shakl-e-nabi

Us laal ka jab laasha aya us waqt teri kia halat thi

Rudaad jo poochay sughra khamosh na tu hojaana

Le dekhle zara tera deys agaya

Fizza nay kaha shehzaadi, Le dekhle zara tera deys agaya

6. Jab qabr banakar asghar ki maqtal say shah-e-deen aaey thay

Kia haal hua tha baano ka roi jo lipat kar jhoolay say

Us kokh jali kay sadmay amman ko sunana rokay

Le dekhle zara tera deys agaya

Fizza nay kaha shehzaadi, Le dekhle zara tera deys agaya

7. Shanon pay badan pay or dil per woh zakhm jo tu nay khaaey hain

Karlena shumaar un zakhmon ka jo saath watan tak aaen hain

Har zakhm dikhaana bibi ab mat ghabraana bibi

Le dekhle zara tera deys agaya

Fizza nay kaha shehzaadi, Le dekhle zara tera deys agaya

8. Kia dil pay sitam us waqt hua jis waqt mili thi shireen say

Tujh par to zaeefi chhai thi pehchana tujhay us nay kaisay

Har dard bata shahzaadi ahwaal suna shahzaadi

Le dekhle zara tera deys agaya

Fizza nay kaha shehzaadi, Le dekhle zara tera deys agaya

9. "Mazhar" ye buka thi fizza ki ye des tera hay shahzaadi

Ab shimr-e-laeen ka khauf nahi hay teray mohibbon ki basti

Ab kon kahay ga qaidi nazron ko utha aey bibi

Le dekhle zara tera deys agaya

Fizza nay kaha shehzaadi, Le dekhle zara tera deys agaya