Wapas na jaunga audio file

 

Wapas na jaunga

 

Abbas Abbas

 

Abbas bole kaise mai wada nibhaonga

piyason ko teen roz ke kia moo dikhaunga

                                        Wapas na jaunga, wapas na jaunga

 

1.     Pewast teer ankh mei seena figaar hai

Panja mere alam ka bhi matam guzaar hai

Baazu juda hain mashq ye kaise uthaunga

                                                Wapas na jaunga

 

2.     Koshish ke bawajud bhi koshish hai raaega

Pani nahi baha ye gira mujh pe aasma

Ab kaise mai Sakina se nazreh milaunga

                                             Wapas na jaunga

 

3.     Hukm-e-Hussain ne mujhe paband kardia

Rasta digah ka mere liye band kardia

Ye baat tashna kaamon ko kaise bataunga

                                             Wapas na jaunga

 

4.     Gham tou yehi hai gham bhi uthaya nahi gaya

Hamsheer gham uthayegi aur mai nahi raha

Sharmindagi ka teer kaleje pe khaunga

                                          Wapas na jaunga

 

5.     Aaqa se koi keh de karam itna kijiyeh

Laasha mera khayam mai le kar na jayeh

Le jayeh alam mera mai tou na jaunga

                                         Wapas na jaunga

 

6.     Mujh baawafa se nehr ne kyu bewafai ki

Kimat hamare bhai ne di thi tarai ki

Mujh ko khabar na thi ke mai khoo mai nahaunga

                                       Wapas na jaunga

 

7.     Ye kehte kehte shair ko hichki jo aagayi

Gham se kamar Hussain ki Rehan kham hui

Bole Hussain tere bina jee na paunga

                                    Wapas na Jaunga