Imam-e-asr ke audio file

Imam-e-asr ke

 

Imam e asr ke hounton pe hai hussain hussain x4

Basa hai aankhon mei zahra ka noore ain…noore ain hussain

 

Galay mai(n) teer hay, asghar ko yaad kartay hai(n)

Jigar pa haath hay, akbar ko yaad kartay hai(n)

Na mil sakay ga kabhee tairay dil ko chain hussain---- imam e asr kay hountou(n) pa hay hussain hussain

 

Bachaya deen ko sadqa utaar kar sar ka

Rukh e hussain pa taza lahoo hay asghar ka

Lahoo say dei(n) kee barrhatay hai(n) zaib o zain hussain--- imam e asr kay hountou(n) pa hay hussain hussain

 

Rakhay hai(n) samnay abbas kay katay bazoo

Hazaar saal bahay hai(n) yeh khoon kay aansoo

Jigar ko kat-tay hai(n) tairay shor o shain hussain---- imam e asr kay hountou(n) pa hay hussain hussain

 

Shikista pahloo hay is waqt maadar e dilgeer

Parra hay khaak pa pamaal laasha e shabbir

Ajab hay aalam e ghurbat mai(n) noor e ain hussain----- imam e asr kay hountou(n) pa hay hussain hussain

 

Jahaa(n) pa hoti hay majlis imam hotay hai(n)

Aza kay farsh pa woh hichkiou(n) say rotay hai(n)

Koee bhee sunta nahi(n) teray shoor o shain hussain--- imam e asr kay hountou(n) pa hay hussain hussain

 

 duaeay fatima zahra bhee unkay saath mai(n) hay.

Lahoo tapaktee hoiee zulfiqar haath mai(n) hay

Bus aanay walay hai(n) zahra kay noor e ain hussain --- imam e asr kay hountou(n) pa hay hussain hussain

 

Sar e hussain nay daikha hay shaam ka bazaar

Woh bay ridaeay zaianab woh aabid e bimaar

Lahoo bahatay hai(n) har waqt teray nain hussain --- imam e asr kay hountou(n) pa hay hussain hussain

 

 

 

Har ik juloos ka woh ahtimam kartay hai(n)

Humaray saath hee matam imam kartay hai(n)

Na sun sakai(n) gay qamar koee tairay bain hussain. --- imam e asr kay hountou(n) pa hay hussain hussain