Zainab ke dil se audio file

Zainab ke dil se

 

Zahra ki betiyon ka bazare shaam jaana, zainab ke dil se pooch

 

Baade hussain kaisa badla hai yeh zamana, zainab ke dil se poocho

 

Tehwaar ki tarha se khushiyan mana rahe the

Ek jashan ka samaa tha, baaje baaja rahe the

Has has ke shamiyon ka sadaat ko rulana, zainab ke dil se poocho

 

Jhakre huwe rasan mei guzre jahan se qaidi

Chehro ko unke khoon se chadar bani huwi thi

Charon taraf se haye wo patharon ka aana, zainab ke dil se poocho

 

Baazu bandhe huwe the dilse lagaye kaise

Bache jo girahe the unko uthaye kaise

Hasrat se bibiyon ka abbas ko bulana, zainab ke dil se poocho

 

Nazre jhuki huwi thi rota tha ibne Haidar

Binte Ali ki khaatir mazloom ka sina par

Sukhi huwi zabaan se quran ka sunana, zainab ke dil se poocho

 

Bas wohi jaanti hai kitney alam uthaye

Aisa kisi behen pe ya rab na waqt aaye

Roney pe bhaiyion ke wo taaziyaney khaana, zainab ke dil se poocho

 

Aati thi yaade maadar har zulm har sitam par

Deti thi banke ghazi pehra qadam qadam par

Narghe se shamiyon ke sajjad ko bachana, zainab ke dil se poocho

 

 

Bichri thi jab Takallum sheh ki yateem bachi

Pardes mei qayamat ek aur dil pe tooti

Nanni si ek turbat zindaan mei banana, zainab ke dil se poocho