Sughra bularahi hai audio file

Sughra bularahi hai

 

Qaaside fatima sughra jo karbala aaya

Laakay sughra ka khat sheh ke havaale jop kiya

Laashay akbar  pay jigar thaamkay yeh sheh nay kahaa

 

(Sughra bularahi hai) x2 Yasrab ko jaao Akbar

 

1.     (Tum nay kia tha vaada) x3 vaada nibhaao Akbar

 

(Sughra bularahi hai) x2 Yasrab ko jaao Akbar

 

2.     Yeh sochta hoon beta, sughra ko kia bataaoon

Tu qatl hogaya hai, kia yeh khabar sunaaoon

(Sughra say kya kahoon main) x3 Yeh to bataao Akbar

 

(Sughra bularahi hai) x2 Yasrab ko jaao Akbar

 

3.     Beemar behn teyri, shaadi ka poochti hai

Likhti hai khat mein sughra bus arzu yehi hai

(Aakar madinay bhayya) x3 Sehra sey jao Akbar

 

(Sughra bularahi hai) x2 Yasrab ko jaao Akbar

 

4.     Karbobala key ghum say, beemar bekhabar hai

Is naatavaa ki beta raahon pay bus nazar hai

(Roothi huwi hai sughra) x3 Usko manaao Akbar

 

(Sughra bularahi hai) x2 Yasrab ko jaao Akbar

 

5.     Paighaam yeh diya hai, sughra nay tujhko beta

Main muntazir hoon kab say, takti hoon teyra rasta

(Kehti hai teyri khwahar) x3 Ab laut aao Akbar

 

(Sughra bularahi hai) x2 Yasrab ko jaao Akbar

 

6.     Dulha tujhe banaoon, sihra teyra sajaaoon

Armaan hai yeh meyra, mehndi teyrey lagaaoon

(Bhardo Madinay aakar) x3 Is dil kay ghaao Akbar

 

(Sughra bularahi hai) x2 Yasrab ko jaao Akbar

 

7.     Haathon ko maut apnay, phelaae yoon khari hai

Jaisay key pyaar sey vo, mujhko bulaarahi hai

(Bus eik baar teyra) x3 Chehra dikhaao Akbar

 

(Sughra bularahi hai) x2 Yasrab ko jaao Akbar

 

8.     Ya kehdo laut aana mumkin nahi tumhaara

Saansein hai chand baaqi, karlungi main guzaara

(Ya phir mujhe qazaa say) x3 Aakar bachaoo Akbar

 

(Sughra bularahi hai) x2 Yasrab ko jaao Akbar

 

9.     Lagta hai yeh mujhe kyun, vaapas na aaogay tum

Gar dair hogaee to, mujhko na paaogay tum

(Aana hai to qasam tum) x3 Sughra ki khaao Akbar

 

(Sughra bularahi hai) x2 Yasrab ko jaao Akbar

 

10.                        Laashay javaan pay Sheh nay, Safdar yeh khat sunaaya

Qaasid ko Shaah-e-deen nay ehvaal yeh bataaya

(Kehn a ke Shaahazaadi) x3 Ab bhool jao Akbar

 

(Sughra bularahi hai) x2 Yasrab ko jaao Akbar