Haaye Sakina haaye pyaas audio file

Haaye Sakina haaye pyaas

Ahl-e-harram ka noha hai haaye Sakina haaye pyaas

Khud ye alam bhi kehta hai haaye Sakina haaye pyaas

Dooba lahoo main nahr say jane laga alam

Bacchon ko duur say nazar anay laga alam

pani ki aas dil main barhanay laga alam

sarwar ke dil main hashr uthanay laga alam

marg e jari say dard ka akkas ban gaya

khaimo main aa k paikar e abbas ban gaya

lekin alam hussain ke hathon main dekh kar

ro kar pukari bali sakina ke ay pidar

jaldi batayye chacha abbas hain kidhar

ek mashk e aab bharnay gaye thay wo nahr par

baba ye kehdo ja ke meray ammu jan say

pani ka shikwa ab na karungee zaban say

(Haay Sakina haaye pyaas) x4

ro ke deti thi sakina ye sada (ab hame pyaas nahi hai ammu) x2

1. piyasay bacchon k labon par hai buka ab hame pias nahi hai ammu

(ab hame piyas nahi hai ammu) x2

2. haey wo piyasay bacchay, ashk barsanay lagay

(nannay hathon main jo thay, koozay sab tor diye) x2

aur parcham say lipat kar ye kaha, ab hame piyas nahi hai ammu

(ab hame piyas nahi hai ammu) x2

3. kabhi sar ko peeta, kabhi seena peeta

(hai labon par ye sada, jald aa jao chacha) x2

ab na pani ka karaingay shikwa, ab hame pyaas nahi hai ammu

(ab hame piyas nahi hai ammu) x2

4. aey meray acchay chacha, aey meray pyaray chacha

(aey meray pyasay chacha, meray dukh paey chacha) x2

ab koi lutf na jeenay main raha, ab hame pyaas nahi hai ammu

(ab hame piyas nahi hai ammu) x2

5. aap k baad chacha, zulm hum par ye hua

(kisi ka hath bandha, kisi ka nannha gala) x2

ab to be mashk hi aa jao chacha, ab hame pyaas nahi hai ammu

(ab hame piyas nahi hai ammu) x2

6. gham zada wo bacchay, jis ghari qaid huay

(sailian khatay huay, bas yehi kahtay thay) x2

pani mut lao tum aa jao chacha, ab hame pyaas nahi hai ammu

(ab hame piyas nahi hai ammu) x2

7. aa k tum dekho zara, ham pe jo zulm huwa

(pani jab bhi manga, zalimo nay mara) x2

tum batao ye laeeno ko zara, ab hame pyaas nahi hai ammu

(ab hame piyas nahi hai ammu) x2

8. ab to suw-e-darya, ja rahay hain baba

(kaisay roku(n) mei(n) bhala, koi batlao zara) x2

aake tum baba say kehdo itna, ab hame pyaas nahi hai ammu

(ab hame piyas nahi hai ammu) x2

9. hai yehi gham mun’im, Ghum hai MAJID daaim

(Dukhtaran e HASHIM, ye sada hai qaim) x2

ati hai qabr e sakina say sada, ab hame pyaas nahi hai ammu

(ab hame piyas nahi hai ammu) x2

ab bhi matam kahin hota hai bapa, yehi har samt say uthti hai sada

josh kuch aur bhi barhta dekha, matmi parhta hai jab ye jumla

(Haaye sakina haaye pyaas) x4