Aaj Zainab audio file

 

Aaj Zainab

 

Kal thi shehzaadi shaam-o-kufa ki

Aaj Zainab aseer hai baba

 

1.     Raaj karti thi shaam-o-kufa par

Kal talak baanti rahi chadar

Aaj khud hogai barehna sar

Ab yeh tauqeer rehgai meri - Aaj Zainab aseer hai baba

 

2.     Fakhr-e-Maryam hoon, bint-e-Zehra hoon

Main to sharm-o-haya ki malka hoon

Daikheay aaj mehway girya hoon

Waqt kaisa hai aapki beti - Aaj Zainab aseer hai baba

 

3.     Be kajawa hoon na aamari hai

Aur us par yeh sang baari hai

Be rida-e-hai be qarai hai

Kion qayamat bhala nahin aati - Aaj Zainab aseer hai baba

 

4.     Dil mein hoti hai eik chubhan baba

Rehgaya bhai be kafan baba

Main thi lachar-o-pur mahan baba

Aur balway mein uski maan jaai - Aaj Zainab aseer hai baba

 

5.     Bhai ka sar hai nok-e-naiza par

Meray sar par jo ab nahin chadar

Roraha hai yeh daikh kar manzar

Daikhieay kehraha hai bhai bhi - Aaj Zainab aseer hai baba

 

6.     Saath meray hai natawaan Abid

Khoon rota hai neem jaan Abid

Is sitam par hai noha khuwan Abid

Chot us nay jigar par yeh khaai - Aaj Zainab aseer hai baba

 

7.     Bain SAFDAR nay is tarhan likhay

Sun kay yeh Dukhtaran-e-HASHIM say

Girya kartay hain Karbala walay

Kal thi Shahzadai Shaam-o-Kufa ki - Aaj Zainab aseer hai baba