Baba ney audio file

 

Baba nay mujhe

 

1.     Ghir gaey fauj kay narghay mein shahe karbobala

Shah-e-konain nay us waqt di halmin ki sadaa

Nusrat-e-shah ka seenay say ik toofaan utha

Khud ko jhoolay say gira kar Ali Asghar nay kaha..

Amman mujhay maqtal ki riza do, Baba nay mujhay yaad kia hai…

 

2.     Yeh kehkay Madinay say mujhay laey thay Sarwar

Fehrist-e-shahadat mein tera naam hai Asghar

Waqt aagaya parwaan charhado

Baba nay mujhay yaad kia hai

 

3.     Main piyaas ki shidat say nahin roya hoon amman

Is waqt isharoon mein yehi goya hoon amman

Hazir hoon main baba ko batado

Baba nay mujhay yaad kia hai

 

4.     Jhoolay mein mujahid kabhi thehra nahin kartay

Lori say kissi haal mein behla nahin kartay

Poshaak Shahadat ki pinhado

Baba nay mujhay yaad kia hai

 

5.     Dam nad-e-Ali kar kay badal do mera jaama

Aur sar pay sajado Ali Akbar ka amaama

Quran kay paaro ki hawa do

Baba nay mujhay yaad kia hai

 

6.     Mazloom pay maidan mein hai fauj ka reyla

Zalim meray baba ko samajh tay hain akela

Amman mujhay Abbas banado

Baba nay mujhay yaad kia hai

 

7.     Kion roti ho Is waqt jo rukhsat ki ghari hai

Awaaz-e-imam aai hai nusrat ki ghari hai

Jazbaat ki deewar girado

Baba nay mujhay yaad kia hai

 

8.     Gehwaray aur aaghosh ki kuch baat na hogi

Phir piyari behen say bhi mulaqaat na hogi

Aik baar Sakina say milaado

Baba nay mujhay yaad kia hai

 

9.     Thay MAHUM-e-HASHIM yehi asghar kay isharay

FAKHRI lab-e-ehsaas say asghar yeh pukaray

Janat ka musafir hoon duaa do

Baba nay mujhay yaad kia hai