Ya Zahra audio file

Ya Zahra

Hai karri dhoop mein laasha, teray mazloom pisar ka

Ya Zahra, Ya Zahra

1. Bekafan hai sar-e-Maqtal, haey seh roz ka piyaasa..

Ya Zahra Ya Zahra

2. Chor kar apna watan dasht basaya isnay

Apnay piyaron keh janazay ko uthaya isnay

Dil pay sehta raha sadmay, yeh Mohammad ka nawasa..

3. Dasht mein khaa kay cina sogaya hum shakl-e-nabi

Laashay Akbar ko utha laya Hussain ibn-e-Ali

Laash peeri mein uthaai, yeh to bus sheh ka jigar tha..

4. Ran mein paamal hua ibn-e-hassan ka laasha

Paara paara hua dil daikh kay yeh Sarwar ka

Laash kay tukray uthaa kar, aik gathri mein woh laaya..

5. Woh jo Zainab ka sahara tha Sakina ki thi aas

Kham hui sheh ki kamar qatl hua jo Abbas

Kabhi Haider ko sada di, kabhi rokar yeh pukara…

6. Tha tera laal sar-e-dasht akela haey haey

Teray mazloom ko har samt say ghera haey haey

Haey no laakh ka lashkar, aur tanha tera piyaara..

7. Teer-o-talwar-o-cina-neza-o-khanjar mein ghira

Teray nazoon ka pala zulm keh lashkar mein ghira

Choor zakhmon say tha ran mein, jo teray dil ka tha tukra..

8. Day kay halmin ki sada dil gaya bhai ki taraf

Jaanay kia soch kay chaltay thay taraai ki taraf

Hasrato yaas say sheh nay, laash-e-Abbas ko daikha..

9. Kund khanjar joonhi Shabeer ki gardan pay chala

Dasht mein goonj uthi Zainab-e-muztar ki sada

Aaeye jald khudara, bhai mushkil mein hai mera..

10. SAFDAR-e-khasta jigar shah ka pursa daina

Farsh-e-matam pey hain purasay keh lieay khud Zahra

Shor matam ka bapa ho, aur labon par ho yeh noha…