Abbas Behen jaag rahi hai audio file

Abbas Behen jaag rahi hai

Jaag rahi hai

Jaag rahi hai

Jaag rahi hai

 

Zainab nay kaha shame Ghareeban mein tarapkar

 

Tum sogaey Abbas behen jaag rahi hai

 

Kis mor pay laya hai mujhay mera muqadar

 

Tum sogaey Abbas behen jaag rahi hai

 

Kia waqt that pehray pay jo tum, hotay thay bhaiyya

us waqt baray chaiyn say hum, sotay thay bhaiyya

qismat nay dikhaya hai yeh badla hua manzar

 

Tum sogaey Abbas behen jaag rahi hai

 

tum saanie haider ho to main, saanie Zehra

manzil pay tumhari mujhay ab daina hai pehra

tum dilbare haider ho to main dukhtare haider

 

Tum sogaey Abbas behen jaag rahi hai

 

sajjad ko jaltay huay khaimay say nikala

main jaanati hoon kaisay yateemo ko sambhaala

nusrat ko hain baitay na bhatijay na baradar

 

Tum sogaey Abbas behen jaag rahi hai

 

kia mujh pay guzarti hai kuch ehvaal to poocho

aey meray alamdar mera haal to poocho

ab aun-o-mohammad hain na qasim hain na akbar

 

Tum sogaey Abbas behen jaag rahi hai

 

aahat say bhi dil mera phatta jaata hai bhaiyya

awaaz hai taapon ki koi aata hai bhaiyya

sehmay huay bachay na tarapnay lagay darkar

 

Tum sogaey Abbas behen jaag rahi hai

 

Aey mahum-e-hashim yeh fughaan karti thi zainab

fakhri labbe darya yeh bayaan karti thi zainab

tum hotay to kia cheenata koi meri chadar

 

Tum sogaey Abbas behen jaag rahi hai