Aey Sakina meri bachi audio file

Aey Sakina meri bachi

 

Haaey

Zindaan mein jab sakina say, sarwar ka sar milla

gham say saray hussain ka, kia haal hogaya

daikha rukh-e-sakina jo khoon say bhara hua

lab mojizay say hilnay lagay aur yeh kaha

Sakina

 

(Ay sakina meri bachi) x3

 

meri bachi padar ho tujh pay fida

kis nay zakhmi kia yeh tera gala

aur chehray pa neel hai kaisa

Sakina

 

(Ay sakina meri bachi) x3

 

kis nay bandhi galay mein teray rasan

kis shaqi nay jaladia daman

hai yeh pehlu mein aabala kaisa

Sakina

 

(Ay sakina meri bachi) x3

 

kitni laghar dikhaee daiti hai

roz o shab kia sataee jaati hai

koi tujh par taras nahin khaata

Sakina

 

(Ay sakina meri bachi) x3

 

tera chehra bataraha hai mujhay

chaiyn aik pal bhi milsaka na tujhay

neel chehray pa hai tamachoon ka

Sakina

 

(Ay sakina meri bachi) x3

 

uff yeh zindaan yeh teeragi yeh sitam

itna khanjar tallay na tarpay hum

jitna main tujh ko daikh kar tarpa

Sakina

 

(Ay sakina meri bachi) x3

 

hogaey khatam din musibat kay

wada karta hoon ab main yeh tujh say

tujh ko choroon ga ab na main tanha

Sakina

 

(Ay sakina meri bachi) x3

 

saath lejaoonga sarey kausar

sooey jannat yahan say hoga safar

ab koi aur ghum na kar dukhiyaa

Sakina

 

(Ay sakina meri bachi) x3

 

Haey "Rehan" ho bayaan kaisay

baiyn mahum sarey hussain kay thay

jism ki qaid say hui tu riha

Sakina