Haey sakina haey zindaan audio file

Haey sakina haey zindaan

 

Woh Zulm khasta qalbe sakina pay alamaan

dam torti ghareeb hazeena ki hichkiyaan

Deewar o dar ki aankhon say ashkay alam rawaan

jaisay qareeb turbatay dukhya basad fughaan

kehta hai cheekh cheekh kay koi yeh barmala

lagta hai jaisay aati hai, zindaan say yeh sada

 

Haey Sakina Haey Zindaan

 

Jis nay guzaray noor kay halqay mein jeewan kay shaam o sahar

jis ko sulatay thay apnay ceenay par shahe jinno bashar

yoon rakhtay thay goud mein Sarwar(a.s.) rehl mein jaisay ho Quraan

 

Haey Sakina Haey Zindaan

 

qaid bhi woh jis samt hawa ka rukh ba mushkil hota ho

haey jahan dam aale nabi ka lamha lamha ghutta ho

aisi ghutan kay haal pay apnay girya kunna ho khud zindaan

 

Haey Sakina Haey Zindaan

 

Jaanay ye rabe Kaba hai guzri kaisi qayamat baade Hussain

Isnay tamachay khaey sare maidan e musibat baade Hussain

Jis pay fida thay Akbar e mehroon jis pay fida Abbas ki jaan

 

Haey Sakina Haey Zindaan 

 

Apna pata milta bhi nahin yoon raat qayamat dhaati ho

rukh karnay mein apna jidhar suraj ki kiran ghabrati ho

asl mein ye hai gor ki manzil qaid e musibat hai unwaan

 

Haey Sakina Haey Zindaan

 

Ehle sitam kay zulm o sitam is qaide jafa mein sehnay ko

chor dia kion mujh ko yahan pay pal pal jeeta marnay ko

parhti thi bachi ki yateemi qaid mein yeh noha har aan

 

Haey Sakina Haey Zindaan

 

qaid e alam mein "Mahum-e-Hashim" neend kissay aati hai bhala

bistar e khaaki pay sota hai koi aey "Dayim" sochoon zara

zindaan mein rahat nahin milti sirf masaib kay samaan

 

Haey Sakina Haey Zindaan

Haey Zindaan, Haey Zindaan