Wehbe Kalbi audio file

Wehbe Kalbi

 

Haeey

Wehb-e-Kalbi tha laqab tha woh ghulaam-e-shahedeen

Ya Hussain, Ya Hussain, Ya Hussain

 

Bakhuda sahib-e-imaan tha wehbe kalbi...wehbe kalbi

arife waris-e-quraan tha wehbe kalbi.. wehbe kalbi

apni madar ka dil-o-jaan tha wehbe kalbi

dil say shabeer pay qurbaan tha wehbe kalbi

faize shabeer say (x2) woh sahibe imaan hua

noor ko daikha to issae musalmaan hua..

Wehbe kalbi...

 

Madar-e-wehb ka tha isme mubarak qoomri.. mubarak qoomri

khair say satra baras ka hua wehbe kalbi...wehbe kalbi

maan kay armaano ki takmeel ki aa pohnchi ghari

shehr-e-Kufa mein haseen baitay ki shaadi thehri

lekay dulha ko sarey (x2) Kufa jo baarat chali

haan magar maut bhi baaration kay saath chali

Wehbe kalbi...

 

lekay dulhan ko hui Kufay say wapas baarat..wapas baarat

guzray jab Karbobala say to yeh daikhay haalat...daikhay haalat

aik mazloom ko ghairay huay thay bad auqaat

madar-e-wehb nay rokar yeh kahi baitay say baat

daikh kar aao key ye (x2) bekas o mazloom hai kon

yeh ghareebul watan o tashna o masoom hai kon

Wehbe kalbi...

 

daikh kar wehb jo paltay to kaha yeh rokar...kaha yeh rokar

amman yeh zakhmi nazar aata hai jo ghoray par..haey ghoray par

yeh hai Zehra ka pisar jaan-o-dil-e-paighambar

saara ghar kat chuka aur rehgaya tanha Sarwar

shaah par zulm ki (x2) yalghaar hai lashkar na raha

had to yeh hogaai amman Ali Asghar na raha

Wehbe kalbi...

 

Madar-e-Wehb nay chila kay pisar say yeh kaha..pisar say yeh kaha

chahata hai jo khushi meri to sun kehna mera..sun kehna mera

apni shaadi ki musarat say hatta dil apna

nusrat-e-shaah mein ab sar ko katta day beta

teri qurbaani ko (x2) teri qurbaani ko dikhlaaongi paish e Zehra

surkhuru mein bhi to hojaaongi paish e Zehra

Wehbe kalbi...

 

Wehb tab aagay barhha sun kay yeh madar ki sada

thaam kar sheh kay qadam izn-e-wigha lainay laga

shah-e-wala nay basad karb yeh dulhaa say kaha

teri madar tera gham kaisay sahay gi yeh bata ?

Wehb bola kay ussay(x2) gham hi faqat aap ka hai

sar katanay kay lieay maan hi nay to bhejaa hai

Wehbe kalbi...

 

Algharaz run ko gaya satra baras ka dulha..haey haey dulha

nusrat-e-shah mein lashkar ki safoon ko ulta...safon ko ulta

haey qoomri ka qamar zulm kay haalay mein ghira

tabar-o-teer laga ghoray pay sambhla na gaya

Wehb gir kar yeh pukara shah-e-wala madadi

maan nida daiti thi Ya Hazrat-e-Zehra madadi

Wehbe kalbi...

 

Issay pehlay kay wahan laash pay pohchay Sarwar..Pohchay Sarwar

taigh say kaat dia Zaalimo nay Wehb ka sar..haey Wehb ka sar

Madar-e-wehb khari thi jo dare-khaima par

phainkha qatil nay sar-e-Wehb ko suay madar

lauh o kursi o jinna (x2) arsh e bareen kaanp uthay

zulm woh tha kay falak aur zameen kaanp uthay

Wehbe kalbi...

 

Madar-e-Wehb nay haathon mein lia farq e pisar.. haey farq e pisar

moon ko rukhsaar pay rakh kar kaha jaan-e-madar...jaan e madar

surkhuroo hogaee main paish-e-Batool-e-Athar

keh kay yeh phaink dia sar ko suay lashkar-e-shar

Farq e Shabeer pay (x2) sadqe ko pisar hain daitay

hum jo kardaitay hain sadqa nahin wapas laitay

Wehbe kalbi...

 

Wehb-e-Kalbi ki riwayat hai ajab khoon ashaam

"Adeeya Saania Mahum" yeh suna do paigham

Aik dulha nay rahe deen mein jhailay aalam

Madare Wehb ko "Majid" karo jhuk jhuk kay salaam

aik yeh kirdaar bhi (x2) Karbobala mein shaamil

Wehb ka khoon bhi hai khaak-e-shifa mein shamil

Wehb ka khoon bhi hai khaak-e-shifa mein shamil

Wehb ka khoon bhi hai khaak-e-shifa mein shamil